# 點考澳門公務員
###### tags: `澳門`

:::warning
【過時】因為法律法規會因應需求而進行更改，此篇內容未必一直都正確及適用！
:::

:::success
【歡迎協作】如果呢篇文有幫到你，而又有野你見到呢篇文冇記錄，希望你可以入來加埋上去。歡迎發佈，編輯，重製。如果見到有錯，都請幫手修改者comment。
:::

:::success
【回報問題】如果發現呢篇文同埋文章內的文件比人刪除內容或者有異常 ，請在這里或土者果個文件內留言/comment，我見到就會修復返佢，放心，不會唔見的，按兩下制就可以回復。
:::

:::warning
【請勿破壞】請勿惡意破壞文章內容。
:::

> 冇要求一定要點協作，我不太會刪除你寫的內容，但可能會整理下樣式，太亂的話，文章就會變得難睇。想表逹意見的話可以使用Comment功能，先按右上角支筆，再按文章段落右上角的對話小icon後就會系右手边跳出comment的框框。又或者使用呢段文的樣式，系段落開頭加 > 結尾加上 [ name = 我的名字 ] [name=johnshao]
>

> https://g0v.hackmd.io/@johnshao/SJJqI3A4d/

## 版權
[CC0](https://creativecommons.org/publicdomain/zero/1.0/deed.zh_TW)

## 點解寫呢篇文
主要係因為無聊，但都d原因
* 見到secret好多新仔問，所以幫下d後生仔後生女，節省下佢地的生命
* 減低公務員入職的難度，加大競爭，多d做得野肯做野的人來幫下手，可以少啲 old sea food二代。
* 幻想下澳門有得改變
* 仲有冇?請加埋上來

## 範圍
共筆內的資訊主要集中於行使[澳門公職法律制度](https://www.io.gov.mo/cn/entities/admpub/rec/111010)，以及依照[第14/2016號行政法規公務人員的招聘、甄選及晉級培訓](https://bo.io.gov.mo/bo/i/2016/24/regadm14_cn.asp)，進行人員招聘的政府部門或機制。政府現時不是用一種方式聘請所有人員。共筆內的資訊尤其不適用於：澳大、理工、金管局、市政署、旅院、貿促局、澳基會、科學技術發展基金、民航局。但如果你有機會見到佢地的人員章程，會發現佢地的章程有點似。個人認為原因在於，佢地始終系公共機構，過去可能系由政府直接管理，而當自主時，需要設計自己的人員章程時，都會大量參考當時現行的公職制度。但無論是否真的如此，重點要記得，即使佢地章程內使用的名詞與政府公職制度一樣，兩者並不等同，而且可能相差好遠。

## 大致流程&最有用的內容

1. 磨練自己
1. 准備好個人資料 & 申請一戶通
1. 睇開考，睇成績：週三~~睇公報~~/週四睇一戶通，公職開考網頁（http://concurso-uni.safp.gov.mo/)/~~等facebook群組更新~~
1. 綜合試(開考，臨時名單，确定名單，筆試，成績)
1. 專業試(開考，臨時名單，确定名單，筆試，筆試成績/面試名單，面試，面試成績，最終成績/名單)
1. 總結&記錄好你的經驗
2. 返第1步

記得以上流程都可能夠，另外如果你覺得最後一步系返第3步，文章接下來的內容對你都已經冇用。

SAFP介紹：https://concurso-uni.safp.gov.mo/zh-hant/node/496
一戶通網站:https://account.gov.mo/zh-hant/login/
入職開考 - 政府公報, https://www.io.gov.mo/cn/news/list/b/?d=11
統一管理制度 - 行政公職局, https://concurso-uni.safp.gov.mo/

* 2026年260綜合能力評估考試題目1月25日 10:00AM

* 2024年350綜合能力評估考試題目9月22日 10:00AM
https://docs.google.com/document/d/1VPtaghax66y6KgX5xeYBt6iWlDZkeTP9vQAKSTyFEWk/edit
* 2024， 2023、2021、2019 430綜合試題目
https://docs.google.com/document/d/1utkRdk6NmCpTdSAU29naQa3GqGPVP7oBkseo6pAzen8/edit
* 舊版430綜合能力評估考試題目, https://docs.google.com/document/d/1ApMQq_KGDFsIHq5HygpYq_iHAwE_xt8MwcQ7efOcGks/edit
* 2019 350綜合試題目, https://docs.google.com/document/d/1VPtaghax66y6KgX5xeYBt6iWlDZkeTP9vQAKSTyFEWk/edit
* 2023、2020 260綜合試： https://docs.google.com/document/d/11CLHkHXsxQHHxwOJ5KS77w4M0AOdxhRYoRARIbdRqGw/edit

考試記錄Google Sheet 範本：https://docs.google.com/spreadsheets/d/1i4Kq8Cl1fxQP1vJ4IPnWd29S7fEA2LlFbNEKdGw8WxQ/edit#gid=0

有見過考正苦工的Apps，可以帮你温習，但我未用過，請知道的人補充。

* 科舉攻略, https://apps.apple.com/mo/app/%E7%A7%91%E8%88%89%E6%94%BB%E7%95%A5/id1184794848?l=en
* 澳門考試幫手, https://apps.apple.com/mo/app/%E6%BE%B3%E9%96%80%E8%80%83%E8%A9%A6%E5%B9%AB%E6%89%8B/id1209073979?l=en
* MUST JOB, https://apps.apple.com/mo/app/mustjobs/id1260181065
>以上3個APP皆失效 [name=Guest Lowe]
>需另外尋覓

《公務人員的招聘及甄選制度》審計報告
https://www.ca.gov.mo/files/PA4119cn.pdf

## 佛系Q&A
有咩問題，係呢度寫，時間到了，自然會有人回答你。或者去[澳門公務員Secrets](https://www.facebook.com/CivilServantSectets.macau) (已停止更新) 提問，都可以使用放大鏡搜尋過往相關的話題。又或者到呢度睇下收集的問題：[正苦工問題集](https://docs.google.com/document/d/1CMnw_J-lqW1LoAESxu-IrGieoqcqd14K9kXrRzfVHUY/edit?usp=sharing)。

### 想問一下，如果已接受咗一個局嘅Offer，可以在未入職時接受第二個局嘅offer 然後唔要第一個局的offer嗎？

### 想問一下，成績有效期兩年，120個人排位，全部有補位嘅情況係唔係好罕有？

睇時勢，睇職級。但考完，不如就忘左佢，繼續努力。

### 合同位係視乎個局要唔要人決定補唔補位，咁代唔代表入到實位最終名單補位嘅機率會大啲？因為實位一定會補位？

辛辛苦苦上文件到司長，批準左，開得位，都系想請人，不會有分別。

### 之前一直考開260部門試，未試過考430，嚟緊準備考430公共行政嘅部門試，請教一下大家一般出卷風格同難度係點(e.g.會唔會有MC、簡答、填充之類，定係全部都係申論題同建議書)，謝謝！

答案

### 想問一下面試嘅流程係點？係一對一定係好幾個人一齊？需唔需要準備筆記文具之類？唔該各位。

個人經歷，唔使文具，要帶身份證。一對一，大多一入去就是幾分鐘的自我介紹，然後就開始問問題同埋傾解。時間一般是 15 分鐘，但有一些部門不會強制只有 15 分鐘。有一些部門會用信封抽題目。一定要提前 15 分鐘就到，避免前面的人太早結束。

### 請問有冇做緊嘅師兄師姐了解部門依家情況，知唔知係咪公務員人數自從封頂後，係咪無得再增聘？（p.s. 260實位兩缺開考，考名單頭十名內，想知有冇機），感謝

諗咁多冇用，有試就比心機考，有工就努力草經驗。

### 想請問一下大家260面試，被問及到點解想考政府/該部門，有冇一啲答題思路可以分享？謝謝

老實講（衰左唔好怪我）

### 各位，其實資料審查會唔會唔通過架?因為我收到一個局的offer，都交左資料去審查，等緊佢電話約入職時間，但最近我又收到另一個局的offer，叫我唔做就去簽紙，咁我第一個局的資料審查又未出黎，我應唔應該去簽第二局的拒絕紙?一直拖又唔好意思，但又怕第一個局有問題，想問下大家經驗，資料審查會唔會唔通過架，定係交晒資料，其實就係走個程序。

個人經驗系，以個人利益為出發點，未到通知「可以辭職，要約定入職日期」果一刻，都唔可以當系一定請你，未可以辭職住，因為一切隨時都可能有變數。

### 各位，想請教如果報考公務員時仍在職，但一戶通填工作經驗哥度一定要填「離職日期」，可唔可以就咁揀報考時哥個日期就算？
現職的直接「離職日期」唔寫就得啦。

### 想問下，35歲以後考公職還有沒有機會？

35 仲後生

### 想問下，面試有冇不成文規矩嘅 dress code？將各種公告反反復復睇左好多次，都唔見有講。面試著裝方面各位有啲咩建議？

正裝; 不知道有冇不成文規定； 放輕鬆；盡力加分，避免扣分；事前練習，事後反省改進。 [name=john]

### 想問下430合同位轉實位，點數重頭開始計，起薪430，但我見有些人佢地已經升左做一等高級技術員，變左485點，但點解佢地願意每個月少近5000，都想要實位，佢地有咩動機，定有咩玩法，唔該。

可能換多一些保障？換多一些機會？ [name=john]
可能本身個合同位430唔好做，咪再考過，轉環境

### 我最近考左個局的430收3個實位，而我知道今次頭3名就係19年同一專業範疇的考到合同位的果3個人，咁佢地3個轉左實位後，佢地依家的合同位仲會唔會請番人補番佢，機率高唔高，因為我排左係佢地後3個位入邊，有冇有經驗的師兄姐有遇過的解答下，唔該。

你可以查下佢哋係咪有轉實位，至於合同位就唔一定會補返，都係睇個局要唔要人，而且成績方面有效期兩年，補人會即刻就打俾你，只能說等電話。

### 我想問下邊到可以買到政府公文寫作嘅相關書籍？因為網上搵到嘅例子都唔多。

ccc

### 我記錄咗2023年6月11日懲教管理局(公共財政)技術員筆試部分問題，如果有人知道答案可唔可以講解一下？因為驚冇人睇到所以發喺呢度，請諒解。
https://docs.google.com/document/d/1IhyVG3KncyizQ3sD2mPFytnpwN86X5JSOV9PjjyuU18/

### 體檢色弱會唔會影響普通文職入職？

不會

### 市政署成績keep 1 年，1年內有同職稱職缺時會唔會按名次順序進行錄取，咩情況下有空缺都唔往下收？thx

會，當第二個部門有相同範疇嘅位需要請人，會有機會係之前同範疇嘅最終成績名單（未過1年期）到攞人，亦有機會由請人嘅部門同你進行第二次面試

### 面試後應唔應該send thank you letter俾開考部門？

不用。成績 keep 2 年，2年後就重新開考，不會記錄你過往記錄。

### 點樣先可以同版主做朋友，我覺得你為咗澳門嘅未來做左好多分析

### 唔該想問下如果英文差，本科又無咩作用，考到政府工嘅機率係幾多？

以我個人經驗，政府內部系用中文，入職考試的筆試都系用中/葡文，面試用廣東話。所以我唔覺得英文差會令你少啲機會入到政府工。

如果你只系考260，我認為本科的問題對你唔會有影響。但如果你一想考350, 430，因為需要有相關的學士學位先有資格考，所以個問題都幾大，你個本科會限制你可以報名考試的範疇。但無論咩學科，都可以報行政、審計範疇，只不過多人爭。

考到政府工的機率其實系由你自身的能力決定，我無法比到意見你。但我覺得你親身去考兩三次，你自己就會有諗法。反正政府開考咁鬼長時間，你一見到可以報就去試下考。

另外，仲有「小小」野囉嗦下。

英文方面：我認為英文的作用是在於讓你可以接觸到世界上各個專業範疇的先進的知識和信息。系一個資訊時代，你獲取有用且優質資訊的能力，好大程度上決定了你的未來的成長和實力。不過，得益於國家的富強。現時，有不少外國出色的媒體會有中文版來服務華文用戶，我會好建議你先睇返外國的BCC, CNN, New York Tims, 德國之聲等等媒體的中文版，以此入手，再來慢慢地開始睇佢地的英文版。我認為華文世界的信息，始終不及英文世界。你不太需要落利的口語和書寫能力，只需要睇得落去，睇得明，即使需要查字典。呢段咁多字，其實都只系想講：我覺得點都要識啲英文。

本科方面：其實我不建議做政府的人只停系260，如果你只能考260，我會建議你唔好入政府，想做一世政府工，目標應該系430，最低都要系350。你可以睇返下面「所有範疇List」里面有邊幾個範疇系你個學士學位可以對應的，再去公報同埋SAFP個統一招聘的網站，搜索返果個範疇之前開考的數量、人數和成績。評估下情況，如果過去開考少的話，可能真的唔好入政府。又或者，我有聽說澳門有夜間本科課程可以讀，你可以試下揾下資料，讀多個學位，但一定會好辛苦，最好有定決心先好讀。以上都只系供參考，考唔考，讀唔讀，你都要自己去因應自己實際情況去思考，你自己的人生，你要自己做決定，自己去承受。又或者，可以試下去澳大，市政署，呢d獨立請人的公共機構。我始終認為，政府工只系一個選項，佢唔系一切。

### 有紋身做到政府工嗎？
當排位到你時，政府部門會揾人通知你，要求你去准備文件和身體檢查。而身體檢查主要係照肺部X光，驗尿同醫生診斷，唔使抽血，主要目的系檢下有冇傳染病。印象中本人兩次入行政職位的身體檢查，醫生都冇要求除衫檢查，只係以問診為主。一般的行政人員，應該係可以，印象中冇法例寫明唔比，但我不肯定。而保安警隊是否會有要求本人就唔知，但佢地除了身體要健康，心理質素要強，仲有道德品行、公正及信任的要求。

所以我都比唔到肯定回復你，但你可以去問公職局，佢地有責任問答市民任何政府相關的問題，可以去呢度填[咨詢](https://www.safp.gov.mo/zh-hant/gcms/suggestionbox/safp/page)。

### 350同430可唔可以同時報？同埋350同430係大概有咩工作可以選擇？
可以同時報，政府部門開考350同430要分開。所以你系可以同時報。但因為350系一個中間位，被認為唔上唔落的位置，所以政府里面傾向少開考(雖然少，但都會有)，一般系開260或者430。而350, 430都會分專業範疇，要求有相關學位先可以考。你想知有咩範疇，可以睇[所有範疇List](#所有範疇List)。如果想知果個範疇多唔多開考，可以睇返[審計報告](http://www.ca.gov.mo/files/PA4119cn.pdf)內的數據統計或者[公報](https://www.io.gov.mo/cn/news/list/b/?d=11)查過去的開考記錄。

### 想問下各位前輩，請7個，我最後成績排第9，但係已經知道前邊至少有三個本身已經做緊同一職程，我等咗一個月都未有後補電話，係咪可以放棄？通常後補要等幾耐通知，係咪都係辦公時間打電話通知？謝謝 （而家大環境情況唔好，確實再放唔到咁多資源落去重新考過🙏🏻呢個月都好忐忑，自問已經盡晒力 所以想係度問吓大家）

## 咩人唔適合做正苦工
以下係真心建議的
* old sea food二代(求你唔好考。
* 想發逹的人。可能你覺得四五萬好高人工，但其實只系人地鋪租(成本之一)，又或者一單生意賺的錢。正苦工從來都系多勞少得。
* 想出名的人。只會因為衰野而出名，唔會因為好野而出名
* 想在工作中找到成就感的人。唔系唔得...應該真系唔得
* 唔想變蠢的人。因為“公務體制會令聰明的人變蠢，蠢的更加蠢”
* 考唔到政府工的人。

以下系個人幻想，或者(曲
* 驚辛苦的人
* 冇良心的人
* 自私自利的人
* 怕改變的人
* 唔識自己思考的人
* 懶人
* 會變蠢的人
* 已經變蠢的人
* 覺得澳門冇希望的人
* 覺得識人好過識字的人
* 人情味至上的人

## 除了正苦工

喺澳門，除了一般人認知的，有一個統一考試入職方式外，仲有部份係政府公共部門，但系可以有自己的規章制度，即系可以自己開考請人，唔使下下等星期三系印務局公報同SAFP的網站上公佈。例如下面呢d。想入就揾d工具monitor住個網站有冇改動，但其實依家好多facebook群都會有通知，不過最好都系自己揾下方法，我以前用過 https://visualping.io/. 但系佢地的章規制度與一般我地講的公務員，政府工不同，只系似。

* 澳大, 會不定期在 https://career.admo.um.edu.mo/zh-hant/ 公佈
* 理工學院 (已更名: 理工大學)，https://earth.ipm.edu.mo/store/zh/pre/notification/page/home, 佢d資料會因為時間而唔見，記得自己backup佢里面的文件
* 金融管理局，https://www.amcm.gov.mo/zh-hant/about-amcm/recruitment?type=recruitment-6 好似仲要系人手去交表，好鬼麻煩，同以前政府一樣，超級浪費時間
* 市政署，https://www.iam.gov.mo/c/recruit/
* 旅遊學院，好似就來可以自己開考，依家呢一刻就未知，https://www.ift.edu.mo/zh-cht/visitors/job-vacancies
* 招商局(前貿促局)，https://www.ipim.gov.mo/zh-hant/recruitment/recruitment-notice/
* 澳門基金會, https://www.fmac.org.mo/page/recruitment
* 科學技術發展基金
* 民航局

其它：
* 科大
* 銀行<-呢個先系正。**「正你個頭，慘到乜咁。」**[人力資源需求及薪酬調查 - 銀行業, 統計局](https://www.dsec.gov.mo/zh-MO/Statistic?id=302)
* 做老闆
* 如果你知道仲有咩?請加上來

[澳門大專學生畢業後追蹤調查 - 高等教育局](https://www.dses.gov.mo/hetdb/hr_supply_main.html)。
[人才需求清單 - 人才發展委員會](http://www.scdt.gov.mo/%e8%a6%8f%e5%8a%83%e8%a9%95%e4%bc%b0/%e4%ba%ba%e6%89%8d%e9%9c%80%e6%b1%82%e6%b8%85%e5%96%ae/)

## 咩人可以考到政府工

此為個人感想，只供參考。越多下面呢d因素就越易入：

* 有運氣的人
* 有好的學歷的人
* 有好的經驗的人
* 有能力的人/識字的人
* 已經系正苦工的人/識得考正苦工的人
* 可以堅持一直考落去的人
* 識得自己思考的人
* 能夠行動的人
* 未接受現況，而且肯改變的人

如果呢d因素你冇一半以上，我建議你唔好考。正苦工唔係，都唔應該系一切，而且唔好下下都同其它人一樣去人多的地方。入左正苦工先致系~~光明~~黑暗?的開始。

識讀書的人，學歷好的人，你覺得勁，果d老細都會覺得勁。但正苦工請人，系請來帮自己/市民解決問題(雖然可能只會系聽電話，開會，寫文件)，而唔系讀書。學歷系優勢，但都只系一項優勢，更加會因為老細的需求而降低優勢。優劣系相對而且會因為時間而變動，當你呢刻唔夠d識讀書的人勁時，你只可以接受。但接下來的時間，如果你唔接受現況，唔選擇放棄，思考而且做出行動，你同其它人的優劣系會變動。當然又識讀書，又勤力，又聰明，呢d完美的人冇得比，而且唔好同佢地比。烏龜係要同兔仔比游水，而唔系跑步。再講完美的人有幾多個？所以你唔使勁過呢d人，你都可以有機會考入到正苦工。

正苦工唔係一切，佢只係一個選項。

考試只不過一種問題的集合體，係問題就一定有方法解決。所以考正苦工系會有方法。只係可能你同我都唔知。所以好好思考下，而且趁入職前好好練習思考，入左正苦工後，你會需要重新思考好多野(可能係，我都唔知，我仲思考緊)。

## 類別(職程&範疇)
呢度只係介紹一般人所知的260, 350, 430。其它，請有興趣寫的人補充。260, 350, 430政府叫做**職程**(雖然bold左，但其實唔系太重要)，我地係以佢的起始人工點數來叫。相對應的官方名稱、學歷要求係：

* **260** - 技術輔導員 - 高中畢業
* **350** - 技術員 - 高等專科學位程度的高等課程。只有學士學位都可以考
* **430** - 高級技術員 - 學士。**如果相對應的範疇只有碩士學位，系冇資格考**，最少都要有學士碩士一齊連住讀的學位^

接住，政府仲將工作分左**範疇**，即系工作種類，即教師，IT，人事，工商呢d類別。而350同430系有分範疇，唔同範疇有唔同學位要求，即系只有資訊**相關學位**的人先可以考資訊範疇，唔系隨便有學士學位的證書就可以考。而相關唔相關，我所知係冇定義到，由開考部門的人決定。其中有幾個範疇係咩學士學位都考得。但要考呢啲範疇就應該好難，人超多，只適合完美的人去考，但應該都有方法考到，但我未考過，唔知要點考。歡迎有這一方面心得的人分享下。

你個學士學位可以考咩範疇/工種，未讀之前都應該知。本身想列出咩學位可以考咩範疇，但應該冇咩帮助。

~^呢個就系我入職政府前到入職政府後一直仲系思考緊的問題之一~

### 所有範疇List:
<details>

<summary>展開</summary>

經人手搜索整理出來的，未必系全部，有錯有漏麻煩幫手修正或者留言。

* 一般行政技術輔助範疇
* 中文傳意範疇
* 中文寫作傳意範疇
* 中文社會傳播範疇
* 中藥範疇
* 人力資源管理範疇
* 公共行政管理範疇
* 公共行政範疇
* 公共衛生範疇
* 公共財政管理範疇
* 公共關係範疇
* 公眾接待行政技術輔助範疇
* 冷凍及空調系統範疇
* 助理管理員範疇
* 化學工程範疇
* 博物館科學研發範疇
* 博物館範疇（需細分：博物館學,博物館科學研發,博物館教育,博物館保存,博物館修復）
* 印刷工場範疇
* 園丁範疇
* 圖書及檔案管理範疇
* 土木工程範疇
* 外勤助理範疇
* 客戶管理範疇
* 審計範疇
* 工商管理範疇
* 市場學範疇
* 平面藝術範疇
* 平面設計範疇
* 廚師範疇
* 廚房工場範疇
* 建築範疇
* 心理學範疇
* 心理範疇
* 心理輔導範疇
* 接線生範疇
* 操作大型機械設備範疇
* 放射衛生防護範疇
* 教育科學範疇
* 教育範疇
* 文化藝術活動管理範疇
* 文化遺產範疇
* 文娛活動管理範疇
* 旅遊推廣範疇
* 旅遊會展及節目管理範疇
* 旅遊管理範疇
* 時尚設計範疇
* 會計、財務及審計範疇
* 會議展覽範疇
* 木工範疇
* 機械工程範疇
* 機械技工範疇
* 機械範疇
* 機電工程範疇
* 機電設施設備維修和操作範疇
* 檔案保護及修復範疇
* 檔案管理範疇
* 水喉工範疇
* 汽車維修範疇
* 油漆工範疇
* 法律範疇
* 泥水工範疇
* 海事管理範疇
* 海域管理範疇
* 消防工程範疇
* 物理範疇
* 環境管理範疇
* 社區教育範疇
* 社會工作範疇
* 社會研究範疇
* 社會科學範疇
* 視聽設備機械工範疇
* 視覺藝術策劃範疇
* 管理範疇
* 統計範疇
* 經濟及財務範疇
* 經濟範疇
* 網絡通訊範疇
* 考古範疇
* 職業衛生範疇
* 船舶檢驗範疇
* 英語傳意範疇
* 行政技術輔助範疇
* 行政管理範疇
* 行政範疇
* 西方藝術研究範疇
* 設施管理範疇
* 語言、文學及文化範疇
* 財務/金融銀行範疇
* 財務及會計範疇
* 財務審計範疇
* 資助監察範疇
* 資訊-網絡管理範疇
* 資訊（應用軟件開發）範疇
* 資訊（網絡基礎建設）範疇
* 資訊範疇
* 資訊科技及數據科學範疇
* 輔導及監管範疇
* 郵政管理範疇
* 醫務管理範疇
* 醫學物理範疇
* 醫用設備工程範疇
* 金融情報分析範疇
* 鐵器工範疇
* 雜役範疇
* 電力工程範疇
* 電子、電訊工程及自動化控制範疇
* 電子及電訊工程範疇
* 電子工程範疇
* 電工範疇
* 電影範疇
* 電機工程範疇
* 音樂（中樂）範疇
* 音樂（西方音樂）範疇
* 音樂產業推廣範疇
* 音樂範疇
* 項目策劃及管理範疇
* 項目資助範疇
* 飯堂管理員範疇
* 體育範疇
* 體育設施管理範疇
* 體育運動範疇

</details>

### 任何學士學位都考得的範疇：
* 行政範疇
* 審計範疇
* ???
> 暫時未見過有上述的範疇開考接受任何學士的人士報考，如果不是相關範疇就更難符合資格報考。
>
> 2022年實測左2次，可能已經改左，非相關範疇學士學位報考行政範疇，係都冇得考就冇左300*2蚊...另外，其他範疇佢所講"相關"學士學位都要係佢去考慮，佢話你唔岩就唔岩，即使工作內容係你戈科。
>
如果仲有，請帮手補充。

最好都睇睇SAFP寫的野，https://concurso-uni.safp.gov.mo/zh-hant/node/1 ，我呢d好多個人觀感，未必啱曬。識睇政府的文件都系一種能力。唔難學，但系好悶好煩。

### 特別類別，特別方法
呢個我知有，但唔知有咩。歡迎各位補充。

## 消息來源

政府部門要請人，就需要系“一戶通”同“公報”發佈。因為以前只有公報，所以好多人都會教你去睇公報，但其實呢家個時代，只系想考政府工的話，就只系需要去睇一戶通。一般情況下，**週三公佈開考、名單、成績，週四先開始報名。 報名期一般系二十天**，包括非工作日。

### 一戶通

政府於2019年整出來的政府對外服務統一平台，雖然唔系好多服務，但有報名開考呢項已經系好有價值。具體申請方法SAFP有圖文介紹，就不再重复講，跟佢指引去做就可以。唔識就問下身邊朋友，相信唔系好難。

SAFP文字介紹：https://www.gov.mo/zh-hant/services/ps-1047/ps-1047a/
SAFP圖文介紹：https://concurso-uni.safp.gov.mo/zh-hant/node/3559

一戶通網站:https://account.gov.mo/zh-hant/login/
一戶通Apps:https://www.gov.mo/zh-hant/app/

Apps會有通知功能，記得安裝，登入同授權。

對有經歷過親自交表時代的人來講，一戶通系SAFP一項十分偉大的政績，終於可以節省時間，讓自己的生命可以做多d有意義的事。

### 公報
而公報系政府對外公佈信息的地方，里面有好多野，建議有心想學野的人，[訂閱政府公報](https://www.io.gov.mo/cn/subscription)，得閑就睇下，里面好多野可以睇。例如，你個friend系做正苦工，但唔系秘密警察的話，升職都可以系里面查到。而有關招聘的開考，名單，成績，印務局帮大家整理左系呢度：https://www.io.gov.mo/cn/news/list/b/?d=11 週三更新，放假會推後到返工果日。

### 其它
依家都有唔少facebook群組都會公佈，我見到的有
* 哈囉好工網 hello-jobs , https://www.facebook.com/hellojobs/
* Jobscall.me 澳門好工作, https://www.facebook.com/jobscall
* 澳門公職投考資訊討論, https://www.facebook.com/groups/319550064867324
* 澳門公職開考週報, https://www.facebook.com/macau2civil
* 微信公眾號「澳門公職開考速報」，開考資料快速查詢：http://mogovjobs.wei.mo/

## 準備

有咩要準備？一般人系準備好報名時需要的資料，你報名時就系要填呢啲。
* 學歷資料
* 語言知識
* 工作經驗
* 專業資格
* 職業培訓
* 卓越表現
* 補充資料(重要項目經驗)
* 其他補充文件/資料(例如：駕駛執照、其他證明文件、個人技能、專長、興趣、義務工作等。)

上述資料要有文件證明，所以記得將你的文件，證書，scan好，記得張紙前後二版都有野，就要前後版都scan。

跟住電子檔分類好，做好命名，保存，隨時都會用到。

我建議要好認真填，每一項都系。而且填完要自己save底，雖然佢個系統有儲存功能。當你過到筆試的話，呢啲資料就會變得好重要。特別系當你第一項，學歷資料，唔夠其他人勁時。你要努力的基本方向就系呢啲。你唔夠其它人勁，就好好地去提升下自己。

## 綜合試

其實就系入門試，資格試，由SAFP主持開考，每一年260, 350, 430應該會各有一次。就算唔系好識，揾d男朋友/女朋友教下你都唔難pass(我估)。

>小弟刪了那句綜合試開頭寫的今年唔會難那句，2020年得3成人合格，係一誠哥領導下，精兵簡政成新常態，以後都唔會易到哪裡去了⋯ [name=felixgoodjob]

>我將你的意見由文章開頭搬過來呢度。2020的年260的綜合試真系出呼我意料之外，雖然時間變到只有一個鐘，但得三成合格，成績真系太差。我個人冇考，但我見整理出來的題目，就唔覺得會難到合格唔到。[name=johnshao]

>我錯了，請大家努力學習如何考試。[name=johnshao]

綜合考試有大概有幾下幾個階段：
1. 開考報名期
2. 臨時名單
3. 確定名單
4. 筆試
5. 最終名單

SAFP有一個[日程表](https://concurso-uni.safp.gov.mo/sites/concurso/files/%E7%B6%9C%E5%90%88%E8%83%BD%E5%8A%9B%E8%A9%95%E4%BC%B0%E9%96%8B%E8%80%83_%E6%97%A5%E7%A8%8B%E8%A1%A8_cn.pdf)。

### 報名

每周三政府公報公佈
每周四一戶通開始可以報名，或者部門現場報名

### 臨時名單

都系會在星期三公佈合資格的名單同不合資格的名單，會系公報上宣佈出名單，再叫你去各自部門的網站或者SAFP的統一管理招聘的網站睇PDF。如果你系有用一戶通，就會可以一戶通內收到通知，睇自己系唔系入左名單，要唔要補文件。

合資格就等佢出確定名單，不合資格就記得10日?限期前補交文件，唔識的話，先睇睇SAFP的內容，再唔識先問
https://concurso-uni.safp.gov.mo/sites/concurso/files/004ESC_%E8%A3%9C%E4%BA%A4%E9%A0%88%E7%9F%A5_cn.pdf https://concurso-uni.safp.gov.mo/sites/concurso/files/004ESC_%E5%BD%8C%E8%A3%9C%E6%96%B9%E5%BC%8F_cn.pdf

### 確定名單

要補資料的就睇睇自己有冇得考。唔使補資料的就等公佈考試時間或者等考試

### 筆試
建議：
* 前一兩日，睇曬考試的規則要求，記得準備好身份證、原子筆、2B鉛筆、膠擦、手錶(唔好帶Smart Watch)
* 最少早半個鐘到現場
* 到現場後系好大份的座位表上揾自己的座位
* 行去課室等開考，聽同遵守指示，**數碼產品都一定要熄**
* **開始考試後睇好時間、睇好時間、睇好時間**
* 如果有背法律就即刻做左個法律題先
* 接住如果系文組就做左閱讀題同語文題先，理組就做左數學邏輯題先
* 剩下的唔夠時間就全部亂填，唔可以留空

其實個人覺得呢個考試唔難，努力温下習，正常都可以pass。但如果真系認真幾次都pass唔到，請你放棄正苦工。關於筆試准備，我可以比你地的建議系，記得公職局網站里面比的法律題一定要背熟，一定要快速拎左果部份分數先。跟住整理350，430里面的題目，同一類題目的解法其實只有幾種，放系一齊會易明d，都方便做題目冇方向時可以拎出來一個個方法試。最後有時間就去揾初中高中的數學公式同題目。**其實最重要系記得時間得一個鐘，唔好浪費時間系冇概念的題，要做自己比較有把握的題，但最後一定要所有題目都有劃答案，即使系估**。證件、原子筆、2B筆、膠擦要准備好。最好帶埋手錶去睇時間，考場未必有鐘，有鐘都未必睇得到。

完左個筆試，對於一般人來講，呢個階段就結束左，佢只會等待出成績。但系對於我來講，仲有事未做。因為你(大多數)唔系尖子生，所以好大機會你仲需再考一次，唔可以考完就算，你需要令自己可以在下次的考試再考好d。筆試完後，你應該：
* 即刻背底剛剛考試的題目，流程和**感想**。
* 之後有時間，就將記底的題目做一次，要當自己真系考緊試咁，寫底(幾個)答案。
* 然後，分析題目，系法例相關？定系專業相關？系唔系已經有信心可以做啱？唔得的話，可以去邊度學？
* (建議)將題目分享出來，最少都揾相識的朋友一齊分享，同時討論題目涉及的知識點系咩？點樣答題系最好？

### 成績有效期
考試成績有效期為五年，合格人士可自成績公佈起五年內投考專業或職務能力評估開考，成為公職人員。而在2021年7月1日之前開展的綜合能力評估開考（包括於2021年5月26日開展的初中程度的綜合能力評估開考）的考試成績，有效期則仍然為三年。430的綜合試可以代替350, 260的綜合試。但我個人系建議考多幾次，唔好因為有效期未到，就唔考。

SAFP有明確寫出每次綜合能力評估成績有效期
https://concurso-uni.safp.gov.mo/exam-system

### 過往考試

[過往記錄](https://docs.google.com/spreadsheets/d/1dDfL7jN17nAwtWzufRUSO6fwf79oWLFAArcQ8JRVthA/edit?usp=sharing)

https://concurso-uni.safp.gov.mo/exam-history 會有記錄上次開考各階段的消息。[統一管理制度](https://concurso-uni.safp.gov.mo/zh-hant/news_listing)個網站里面有好多資料，建議睇曬佢。睇一睇里面個開考時間，名單公佈時間，出成績的時間，比自己有個大概時間的觀念。

另外
* [2019年學士程度綜合能力評估開考合格率四成](https://concurso-uni.safp.gov.mo/zh-hant/content/4894)
* [2019年高等專科學位程度綜合能力考試合格率五成](https://concurso-uni.safp.gov.mo/zh-hant/content/5462)
* [2020年高中程度綜合能力評估開考合格率為三成](https://www.gov.mo/zh-hant/news/342429/)
* [2021 430統考結果公布 合格率約三成八](https://www.cyberctm.com/zh_TW/news/detail/2727346#.YwRc7XZByUk)
* [2023 政府學士綜評開考三成合格](http://www.macaodaily.com/html/2023-07/29/content_1691122.htm)

過去的題目：
* 2019 430綜合試：https://docs.google.com/document/d/1utkRdk6NmCpTdSAU29naQa3GqGPVP7oBkseo6pAzen8/edit
* 2019 350綜合試：https://docs.google.com/document/d/1VPtaghax66y6KgX5xeYBt6iWlDZkeTP9vQAKSTyFEWk/edit
* 2020 260綜合試：https://docs.google.com/document/d/11CLHkHXsxQHHxwOJ5KS77w4M0AOdxhRYoRARIbdRqGw/edit

如果上面d文件比人刪除內容或者有異常請在這里或者系里面留言comment，我見到就會修復返佢。放心，不會唔見的，按兩下制就可以回復。

有人教如何温習法律[【COKA洋】《極簡K書之王》](https://youtube.com/playlist?list=PLoVYhdInsaiPuNMC8e-fvp5Kilz8cuBCs)

## 專業試
呢個試就系以前一直都有開的考試，每個部門要請人，就由佢自己開考。有好多部門可以考，同一部門的260, 350, 430都會各自分開考，所以你可以有好多次試可以考。

當然對於果啲尖子生來講系好麻煩，下下都要考，佢地一直好想政府返到一次考試，全部部門有效的年代，咁佢地就只需要辛苦一次。但對我地呢d一般人來講，當然系考多幾次，多幾次機會學下要點考。而且多數人都會考完幾次就會唔再考。特別系勁同高學歷的人。統一開考一定會出現資源錯配的問題，特別系政府咁冇效率的時候，影響會更加明顯。其實開考唔系快唔到?有d部門請人好快手，不單只快，仲要程序做足。系唔系想請人，赶住請人，視乎個部門系真心想要請人，定只系口講。入左政府你會明白，一個人系點樣，唔系聽佢口講，系睇佢的行為行動。

### 報名

每周三政府公報公佈
每周四一戶通開始可以報名，或者部門現場報名

有文件准備唔切都報左名先.等臨時名單時再補充。但有d文件系冇得補。

呢度開始就會有學位的問題

### 臨時名單

公佈合資格的名單同不合資格的名單
不合資格就記得10日?限期前補交文件

### 確定名單

等公佈考試時間或者等考試

### 筆試

題目就好睇果個部門出咩題目，有識人系里面做，問下佢地平時工作系做咩，邊一方面，可能會有用。但唔好問人出咩題目。佢唔可以知，知都唔可以講，而你更加唔應該問。

一般都系星期六日考。記得帶身份證，2支筆(可能會要求顏色)。

成績除了可以系相應部門的網站睇，仲可以系SAFP[統一招聘的網站](https://concurso-uni.safp.gov.mo/)上睇。

本身筆試只有五十分的限制，但立法會系2021年通過了[第2/2021號法律：修改第14/2009號法律《公務人員職程制度》](https://bo.io.gov.mo/bo/i/2021/16/lei02_cn.asp)，自2021年7月1日起多了面試人數上限，即使你通過了筆試，但如果你的成績排位唔夠前，你都冇機會去面試。建議各位睇睇當時[政府的理由和立法會的意見](https://www.al.gov.mo/zh/law/lawcase/447)。

#### 機試
資訊範疇有d有呢項，以後應該會越來越多。

#### 口試
好似翻譯有呢樣

#### 試教
公立學校教師範疇係面試前會多依項。

### 面試
一般系十五分鐘。一定要提前半個鐘到。

面試要准備，要有自我介紹，長版，短版，第一版，第二版，反正系每次面試前review同修改一次。

人地局的網上內容系要睇，但我覺得又唔使背，有印象即可。

面試官問的問題要Mark低，而且有時間就要寫低呢題要點回答。跟住揾(幾個)人幫你睇一(幾)次。

一定要問面試官問題，有目的來問，目的唔系只有入到職，仲有「我點樣先可以令今次面試對我以後有幫助」，例如以下呢d：

* 貴局其實系請人來做咩工作，處理咩事或者哪一類業務？ => 系，直接問，了解佢的目的，睇下同自己專業背景對唔對到。
* 其實你地有冇話想請边一類的人=> 你之後努力的方向。諗方法成為果類人，或者去果類人身邊偷師。
* 有冇話最好讀過咩課程？ 識d咩會對呢份工作有幫助？ => 你之後努力的方向。去上堂，去讀書，去實踐。

其實我覺得每個人對自己的行業同專業都應該要有一套自己的諗法，就好似人生觀咁。呢個行業的過去系點？如何發展到今日的樣子？最後，更重要的是，你必須有自己對這個行業的未來的想像，同埋如何前進？建立一套自己的理論和認知，以及自己的定位和發展方向。你要嘗試將呢套理論與你的同事同行分享和討論，個人認為，如果你做得到，面試時，遇到專業相關的問題，你一定可以表現得好好。

### 成績有效期
同一部門同一職程的成績系兩年期，所以對於唔系尖子生的你，過到筆試，入到最終名單就可以，唔使同d勁人爭第一第二。

### 過往考試

因為分範疇，所以呢個就要靠你自己記錄，所以揾d friend一齊考啦。男朋友/女朋友系同一學系，而又冇特別事做的，都捉埋佢去。考完試仲可以去食下飯行下街。

Mark完題目要揾時間做左佢哦，只Mark題目幫唔到你。做左都要揾Friend一齊睇下，冇正确答案的話，就要靠揾唔同的人一齊做，互相討論點答系最好。

對於350, 430來講，九成都系要識寫**建議書**，向上級建議任何職務上的內容，其實系形式多過實際。不過呢一項好多部門都會考，所以有friend系政府做的就叫佢地教下你點寫，包括格式，專用字句，內容，特別要求等等。但因為個個局的要求都不同，所以，揾多幾個friend來問。

再來系**採購**，多數會結會建議書一齊考。政府有一套買野的程序，有專門的法例規定。而每個一部門都會再系個法例之上之下都加插自己的規則。但採購文件，採購流程，引用法列就大同小異。所以再揾下friend，睇下佢地識唔識，如果識的話，問下佢地有冇資料，有冇得教下你。有試過好幾次430系直接有條大題，叫你寫建議書及採購文件去購買商品，而且要寫埋所引用的法例，不單只法例名，第幾條，第幾款，第幾項都要寫出來。其實來來去去都系得果幾項，唔難記。而已經系政府工的好建議去讀SAFP開的採購課程，果d堂會有唔少教材，自用教人都得。（122/84/M，63/85/M，74/99/M）

鼓舞分享，當你肯分享出來，就會有人會分享返比你。

考唔到先系正常，接受佢，繼續行落去。

Google Sheet 範本：https://docs.google.com/spreadsheets/d/1i4Kq8Cl1fxQP1vJ4IPnWd29S7fEA2LlFbNEKdGw8WxQ/edit#gid=0

[資訊範疇記錄](https://docs.google.com/spreadsheets/d/14WZJIxLOtizNMCUP21ngRdEdOvj4W7DUexRt3ZGLgBw/edit?usp=sharing)

## 上訴
未試過，但對名單或者成績有意見都可以進行上訴。印象中系要寫信比果個局的局長，但冇真系做過。要上訴就要注意個時間，時間好短，一唔留心就會過期。

平時應該冇咩人會上訴，不過真系要上訴，就唔使驚咩黑名單，唔比考之類的問題，用來吓你ge。呢個政府部門同部門之間的溝通系做得咁好ge，就會做到今時今日咁的樣啦。而且會以上訴為籍口，來為難你的部門，真系唔好入，一定唔好做。但建議，要上訴的話，就真系要自己覺得自己的理由十分非常超級充足，三思再三思。

（#分享一次上訴的經驗：
當時係出左面試成績再上訴，分別針對筆試和面試成績作出訴求，個結論係“無用”。典試委員會的回覆大致如下：1.筆試成績已經過了上訴期，即係出筆試成績之後的10個工作日，所以不可以更改筆試成績，但我估有權可以睇下卷；2.面試成績係根據他們定下的幾項標準進行評分，而所有程序均正當，因此維持原判。
所以大家平時好少見到有上訴的記錄，估計很多上訴都逐一被駁回了。而其實沒有人或者極少數人在出筆試之後就馬上上訴筆試成績吧？筆試加10分，記住你個名，面試成績扣翻你10分，又有咩意思？#）

但2021年演藝學院有開考上訴成功，可以自己上網搵

## 經驗
系考試就會有對應的方法，所以我介紹自己的方法，但只供做參考。

首先你要知道自己真系想入政府，其實入政府真系未必好做好揾，當你入左做得唔開心，我都系建議你揾其它工。澳門街餓你唔死，只系唔肯比樓你住。

再來綜合/資格試唔難，真系做下題目温下習，就算以前成績系麻麻，冇咩信心ge，就去揾同過往題目相對應的題形，好多都系高中的知識。SAFP比的法律題最好背下，記得你的目標系過50分就可以。

唔計入門試，專業試由公佈開考果日開始計，到你入職，以過去經驗來估計，系
**12個月**
**12個月**
**12個月**
所以，你考得政府工，切記住，不可以將政府工作為你的唯一選擇，更加唔可以只將你的目標放一個局。系要考ge，就將政府里面的同一範疇都考曬。同一個範疇得一兩個局有開考ge，就唔好只系考政府。除非你學歷好高，經驗好多，能力好好。

正常你系會考好多次，但每一次成績都系兩年有效期，所以你應該要好好把握果次機會，即使系考唔到，你都應該整理同保存果一次的經驗。再來每一次開考到最後出成績都可能要一年時間，時間咁長，又會有機會同時幾個開考一齊出現，所以你要好好管理你的開考。我個人系用Google Calendar+Google Sheet去做記錄，考試，面試時間地點要calendar去記錄好，同埋set好提示，唔記得左，系一個好蠢的理由。Google Sheet用來做咩？你只系考一次就入到當然唔需要，但如果你自認唔系澳門唔系排Top 5%, 10%，就做好長期作戰的准備，而你考唔上的開考就系最有價值的資源，所以要好好草底佢。

Google Sheet 範本：https://docs.google.com/spreadsheets/d/1i4Kq8Cl1fxQP1vJ4IPnWd29S7fEA2LlFbNEKdGw8WxQ/edit#gid=0

審計署有對《公務人員的招聘及甄選制度》做審計，里面有唔少對政府2016年果次大型統一招聘做的統計，政府2013年開始統一招聘，做左一次就停左260, 430，2016年果次可以視做政府三年人手需求的評估。你可以睇下你個範疇大概有幾多位會開，有咩局會請，幾多人會同你爭，開位到入職會花幾多時間。個人意見系學識收集數據、整理數據、使用數據，對你的工作同生活都會有十分大的帮助。

* [《公務人員的招聘及甄選制度》審計報告](http://www.ca.gov.mo/files/PA4119cn.pdf)
* [公共行政人力資源統計資料](https://www.safp.gov.mo/public/ext/sp/auto-hr-statistics.html)
* [—行政長官施政報告記者會快訊（希望公務員可橫向流動）—](https://www.gov.mo/zh-hant/news/327993/)

就算未考到政府工，其實都可以好好揾一個同個範疇相關的工作去好好磨煉下，入到政府其實好多野會煩住你，冇得比你專心學野。而且政府好少機會比你學新野。

260應該唔會難，雖然多人考，但其實因為人工排位比較低，考的人多，走的人都多。我其實唔建議一出社會就考260，因為好易比政府唔好的風氣影響，從而令你人生觀變奇怪，競爭力下降。但如果你真系考入左，就少d理身邊的奇離同事奇離說話，而且辛苦d做多d野，越多越好，甚至要主動問有冇得做多d野，再來培養好自己思考，同上司/(可以合作的)同事合作，能夠成功爭取資源的能力。你真系將政府工作為自己做一世的職業，請你將目標放在高位，最少都要系350。將260作為過渡，而且珍惜260可以做350, 430工作的機會，更加要主動要求做350, 430相關的工作。咁樣當你去考350, 430時，你先有優勢。唔好同我講冇人信，都不知有幾多局系咁做。而且我不反對咁做，人手永遠系唔夠，而且呢個系比人學習磨練的機會。比我選擇，當然系請一個有做過430相關工作的260。而唔系一個剛剛大學畢業的人。(不過我冇呢個權力)。

關於260，有人系secret問過：(FB secret 已停用沒有再更新)
> 一直都有好努力考政府翻譯開考，無奈多次都未能成功，眼見身邊學霸同輕易考到翻譯，而我都成功考到260，但其實心有不甘，因為呀頭知我有翻譯學位，要我做翻譯工作，大佬！我翻譯勁既話就一早考到啦，仲邊洗做260，其實我可以點做，係咪有戈個學位既話，佢就有權叫我做翻譯，

而有人回复
>你唔想同上級關係差既話，你可以專登譯差啲，佢奈你唔何，因為你唔需要做職程以外既工作

>當你去面試翻譯430時，對面老細問你：‘’其實你系翻譯學位，但系做260，咁系咩冇做過翻譯相關的野？‘’跟住你答：‘’系啊，連我老細叫我做翻譯的野，我都話260唔應該做。‘’

>當你去面試翻譯430時，對面老細問你：‘’其實你系翻譯學位，但系做260，咁系咩冇做過翻譯相關的野？‘’跟住你答：‘’唔系，雖然系做260，但我有做過翻譯相關的工作。當我老細叫我做翻譯的野，我都話做。有時有翻譯相關的野，我都主動問使唔使帮手。‘’

>假設260有兩樣工種，第一樣長期處理啲重複ge合同文件，第二樣係睇唔同的翻譯文件；考慮下邊樣會對你將來職業生涯更有利先；你而家翻工就要唸，做緊ge野係對將來考到440或430有好大幫助，否則你會度日如年，冇啲長進的

>法理上你上級係冇權要求你做翻譯的，但實際上，既然你都有意願考政府翻譯，點解唔珍惜呢一個難得嘅練習機會呢？我身邊都有好多朋友擁有翻譯學位，但因為佢哋所擔任嘅職務內容同翻譯完全無關，所以而家想考翻譯都難。所以希望你可以keep住接觸葡文，我相信終有一日你會考到政府翻譯，加油！

仲有唔少回复，[Link](https://www.facebook.com/CivilServantSectets.macau/posts/2529406030497436?comment_id=2529434000494639&notif_id=1585654082833314&notif_t=feedback_reaction_generic&ref=notif), 入去睇下，然後思考下，正苦工呢條路適唔適合自己？適合的話，又要點樣行？

如果你考到，即使已經入左職，我都建議你keep住考多一年兩年。如果你一入職就停左，你就會變得被動，當自己發覺個部門唔適合自己時，就冇機會轉。當你過一段時間，大致了解左部門的人事同文化，覺得適合自己，可以長做，就停落來唔再考。

還有需要練習看長篇文章，比如是[報導者](https://www.twreporter.org/)和[端傳媒](https://theinitium.com/)的深度報導。還有國際和外媒的資訊，特別是[華爾街日報](https://cn.wsj.com/zh-hant)，[BBC](https://www.bbc.com/zhongwen/trad)和[紐約時報](https://cn.nytimes.com/zh-hant/)。看不懂英文，也可以看中文版。

最後建議你地分享你的經驗同記錄出來，就好似我寫呢篇文一樣。

## 公務員薪酬福利簡介

一般人對正苦工應該只有人工高，福利好，返工唔做野，准時收返放工的印象。但到底人工幾高，福利幾好，返工有咩要求？政府工制度系全部公開的，你可以自己去查。但請記得以下內容，只供參考。真心建議公務員一定要去上堂學習人事制度。

### 收入

先講收入，可只睇圖，但建議了解整個計算過程。可以先睇一次計算方法，唔明都繼續睇落去，睇曬再返轉頭睇多次個計算方法。

一開頭入職最少可以收的錢，呢個只係入職點，之後會隨著時間晉級晉階。

>[Google Sheet](https://docs.google.com/spreadsheets/d/1-FuD9XEyZDp5vMApYDKrvkY__08j6Sj_Ncuy-xf5bvE/edit#gid=631323989)

剛入職可以收到的錢包括：薪俸(底薪/月薪), 津貼, 公積金
12個月薪俸
+1個月薪俸的假期津貼+1個月薪俸的聖誔津貼+12個月房屋津貼
+12個月每月14%薪俸的公積金

例子：
260剛入職人士，有12個月薪俸+1個月薪俸的假期津貼+1個月薪俸的聖誔津貼(即14個月粮)，12個月房屋津貼，唔計政府退休金。
有 ( 14個月粮 * 每月點數 260點 + 12個月 * 房津 40點 ) * 每點91澳門幣 = 374,920澳門幣
計上政府14%退休金, 12 * 260 * 91 * 14% = 39,748.8澳門幣, 每年總共有 414,668.8澳門幣
計做30年退休，總數系12,440,064.00澳門幣，約一千二百萬。

一般系上面呢幾樣，所以公務員的收入不只是薪俸點數(月薪)而已，仲有家庭津貼、年資津貼、待命津貼、輪班津貼，年資奬金。如有錯漏，請幫手更正補充。

建議你計算任何工作的收益時，要將所有可以收的錢，包括系退休後先可以拎到的錢，都計曬入去，唔好只計一個月或者一年的人工。要計到你退休的整體收益。要考慮曬所有因素好難，但懶ge都可以只系乘上你依家年紀到退休65歲的年數。雖然系精簡，都可以一定程度上見到工作同工作之間的分別。我好建議你時時都准備好一條數，就系你依家人工到你65歲退休時，你到底可以賺到幾多錢。只要你系睇緊呢篇文，我相信你一定會有需要用到。

當然上面d數系精簡太多野，冇計年資，冇計升職，但唔一定要呢刻就計曬所有數，可以每年照自己當時的情況計一次，在你面對人生重大決定時，佢可以帮到你做決定。但如果系同日常支出的數唔好用呢個大數用做對比，日常數要用每月收支數字來做對比。

而政府工系唔系高人工? 請記得高低系相對，要講高低一定要有數字，要比較。其中一個可以同大學生剛畢業一年或三年的人工來比較，可以睇[澳門大專學生畢業後追蹤調查](https://www.dses.gov.mo/hetdb/hr_supply_main.html)。

#### 薪俸

每月薪俸 = 職位級數相對應的點數 * 每點金額

| 2024年<br />每點94元 | 入職點數 | 入職人工 | 最高點數 | 最高人工 |
|:--------------:| --------:| -------- | --------:| -------- |
| 技術輔導員 | 260 | 24,440 | 495 | 46,530 |
| 技術員 | 350 | 32,900 | 620 | 58,280 |
| 高級技術員 | 430 | 40,420 | 735 | 69,090 |

過往加薪記錄：
| 年份 | 每點價值 | 增加量 | 增加比率 | 通脹率[^DSEC_DATA] | 本地生產總值(億) | 本地生產總值<br />變動率 |
| ---- | -------- | ------ | --------:| ------------------:| ----------------:| ------------------------:|
| 2024 | 94 | 3 | 3.30% | | | |
| 2023 | 91 | 0 | 0.00% | 0.94% | 3,794.78 | |
| 2022 | 91 | 0 | 0.00% | 1.04% | 1,772.69 | |
| 2021 | 91 | 0 | 0.00% | 0.03% | 2,394.06 | |
| 2020 | 91 | 3 | 3.41% | 0.81% | 1,944.00 | -56.3% |
| 2019 | 88 | 3 | 3.53% | 2.75% | 4,346.70 | -2.20% |
| 2018 | 85 | 2 | 2.41% | 3.01% | 4,446.66 | 9.20% |
| 2017 | 83 | 2 | 2.47% | 1.23% | 4,073.28 | 12.20% |
| 2016 | 81 | 2 | 2.53% | 2.37% | 3,628.76 | 0.20% |
| 2015 | 79 | 5 | 6.76% | 4.56% | 3,622.13 | -18.10% |
| 2014 | 74 | 4 | 5.71% | 6.05% | 4,420.70 | 7.30% |
| 2013 | 70 | 4 | 6.06% | 5.50% | 4,118.65 | 19.80% |
| 2012 | 66 | 4 | 6.45% | 6.11% | 3,438.18 | 16.80% |
| 2011 | 62 | 3 | 5.08% | 5.81% | 2,943.47 | 30.80% |
| 2010 | 59 | 0 | 0.00% | 2.81% | 2,250.51 | 31.30% |
| 2009 | 59 | 0 | 0.00% | 1.17% | 1,714.67 | 2.20% |
| 2008 | 59 | 4 | 7.27% | 8.61% | 1,677.60 | 13.80% |
| 2007 | 55 | 2.5 | 4.76% | - | 1,473.82 | - |
| 2006 | 52.5 | 0 | 0.00% | - | - | - |
| 2005 | 52.5 | 2.5 | 5.00% | - | - | - |
| 2004 | 50 | 0 | 0.00% | - | - | - |
| 2003 | 50 | 0 | 0.00% | - | - | - |
| 2002 | 50 | 0 | 0.00% | - | - | - |
| 2001 | 50 | 0 | 0.00% | - | - | - |
| 2000 | 50 | 0 | 0.00% | - | - | - |
| 1999 | 50 | - | - | - | - | - |

[^DSEC_DATA]: 數據來源：統計暨普查局, [本地生產總值](https://www.dsec.gov.mo/zh-MO/Statistic?id=901), 通脹率

#### 津貼奬金

##### 假期津貼
一般系每年6月收到多一個月人工，但如果你系第一年入職，就會系12個月後，即系有22日年假的下一個月拎到。

首年入職時間唔同，都會導致收到第一份假期津貼既時間唔同。

例子一
2018年12月入職的話，2019年6月1日時，由於2019年1月時仲未有年假權，所以2019年6月出糧時唔會收到假期津貼;
2019年12月入職滿一年，取得工作首年的22日年假，所以會係2020年1月收到工作第一年既假期津貼;
而由於2020年1月時已入職滿一年，亦有2020年的22日年假，所以2020年6月亦會收到當年份的假期津貼

例子二
2019年5月入職的話，2019年1月亦當然不會有年假權(根本未入職)，所以2019年6月出糧時亦唔收到假期津貼;
2020年5月入職滿一年，取得工作首年的22日年假，所以會係2020年6月收到工作第一年的假期津貼;
而2020年1月時，由於當時仍未有年假權，所以2020年6月唔會收到當年份的假期津貼
PS 聽聞有不少局既做法係6月前滿一年既員工，會統一係當年6月出假期津貼，而唔一定係滿12個月後既翌月

結論: 年尾入職係收假期津貼上面，會著數過年頭入職

問題：咁一般年尾入職機會會唔會少過年頭？

##### 聖誔津貼
每年11月，睇你果個年度有返幾多個月，照比率乘返每個月粮。除左第一年唔會收足，之後年年都會有足一個月人工。

tbc
* 當面對選擇今年12月或者下年1月入職時
* 當面對選擇今年12月或者下年1月離職時

##### 年資獎金
每做滿5年就會每個月多10點。

> 根據[第2/2011號法律《年資獎金、房屋津貼及家庭津貼制度》](https://bo.io.gov.mo/bo/i/2011/13/lei02_cn.asp)，第二章「年資獎金」的規定，[第1/2014號法律《調整年資獎金、 津貼及補助的金額》](https://bo.io.gov.mo/bo/i/2014/04/lei01_cn.asp)第一條以及附件一之表訂定的津貼金額

##### 房屋津貼
40點, 2023年每點91元, 即3,640澳門幣。

##### 家庭津貼
10點，好似要經自己部門的人事申請，詳情應該問自己的人事同事會清楚d。

TBC
資格

* [第1803120001/DIR號傳閱公函：家庭津貼](https://www.safp.gov.mo/safptc/download/WCM_065221), SAFP

##### 增補性報酬

* 保安部隊
100點每個月，2020年有成9,100澳門幣，保安部隊有。呢份系人地用自己的生命安全換來的，唔好眼紅。而且系佢地堅守紀律法制，道德正義應有的回報。
>[第8/2012號法律, 保安部隊及保安部門的附帶報酬](https://bo.io.gov.mo/bo/i/2012/26/lei08_cn.asp)

佢地除了增補性報酬外，都仲有不少津貼，不過都要滿足條件先可以有。
* 膳食補助
* 膳食津貼, 10點
* 談判人員津貼, 50點
* 駕駛特別車輛津貼, 10點
* 使用個人車輛津貼, 20點
* 警犬隊津貼, 50點
* 船上工作及潛水員津貼, 70點
* 保護要人及重要設施津貼, 70點

保安司特別重視保安部隊人員的操守，司長辦有一個網頁[警鐘長鳴](https://www.gss.gov.mo/cht/clock.aspx)專門對外公佈違法成員的跟進情況。

除了保安部隊有增補性報酬外，衛生局的醫生也有，醫生都有自己的職程制度。完整制度見第10/2010號 法律醫生職程制度, https://bo.io.gov.mo/bo/i/2010/36/lei10_cn.asp。 其實政府醫護人員的職度都系以獨自的法律規定，詳見各個職程可以睇印務局整理的資料，醫護人員的職程， https://www.io.gov.mo/cn/entities/admpub/rec/141020

##### 危險津貼
tbc

##### 待命津貼
不太了解，只系知有小小錢可以收，不過要求好似不少。詳情可以揾返法例或者[修訂《澳門公共行政工作人員通則》專頁](https://g2e.gov.mo/zh-hant/wp-content/uploads/sites/4/2019/05/%E8%A7%A3%E9%87%8B%E6%9C%83%E6%BC%94%E8%A6%96%E7%A8%BF.pdf)。

[^etapm_intro_ppt]

##### 輪班津貼
不太了解。輪班系辛苦，不過系有回報。詳情可以揾返法例或者[修訂《澳門公共行政工作人員通則》專頁](https://g2e.gov.mo/zh-hant/wp-content/uploads/sites/4/2019/05/%E8%A7%A3%E9%87%8B%E6%9C%83%E6%BC%94%E8%A6%96%E7%A8%BF.pdf)。

[^etapm_intro_ppt]

##### 結婚津貼
講到結婚津貼，就順便講下婚假先。一般唔講假期，係因結婚的合理缺勤，有10個連續的工作日。而結婚日要向婚假中的任何一日。（建議擺向第一日，結好婚先去玩。）之後會有結婚證書，交返部門證明，順便填埋結婚津貼申請表，可以得到45薪俸點的結婚津貼。（參見87/89/M，91條，213條）

>根據[澳門公職人員章程](https://bo.io.gov.mo/bo/i/89/51/estatuto_cn.asp), 第二百一十三條 （結婚津貼）以及[第62/98/M號法令](https://bo.io.gov.mo/bo/i/98/52/declei62_cn.asp)，第二節, 因結婚、成為母親、成為父親及收養而缺勤, 第九十一條 （因結婚而缺勤）

##### 出生津貼
45薪俸點的津貼。細節請帮手補充，母親假，父親假。

“母親假”如果撞正年假，法例系明确寫明要取消年假，比返年假日數你，且比你放“母親假”。
唔係寫明要取消年假，只係話可以中斷或中止年假，因為連續90日的母親假可自BB出生前(最早出生前30日享受)或後攞，你有權選擇唔中止或中斷都得架。

而“父親假”撞左年假，法例就冇寫明取消。但是，年假規定里面系允許在未放年假前取消年假，如果你老細同大老細允許，你系可以取消年假，收返年假日數，且放“父親假”。

其實父親假不可以中斷或中止年假架，當然年假申請咗但你未放係可以取消唔放啦。父親假係自BB出生當日起15日內連續或間斷咁攞5個工作日嘛，放緊年假成為咗父親，咁咪返工再申請攞父親假囉，反正點都攞到果5日的。

>根據[第62/98/M號法令](https://bo.io.gov.mo/bo/i/98/52/declei62_cn.asp), 第九十二條 （因成為母親而缺勤），第九十三條 （因成為父親而缺勤）以及第九十五條 （合理解釋）

###### 餵奶鐘
如果你係女性，又系用母乳哺育，系小朋友滿一周歲前，上班時間可以少一個鐘。不過要先揾醫生寫證明話你要用母乳哺育，同埋你要寫申請信申請。

>根據[第62/98/M號法令](https://bo.io.gov.mo/bo/i/98/52/declei62_cn.asp), 第九十二條 （因成為母親而缺勤）第七款

[懷孕及產後公務人員關懷手冊](https://www.safp.gov.mo/wcmpro/groups/public/@safp/@ext/@web/documents/web/wcm_069452.pdf), SAFP
[母乳餵哺資訊](https://www.ssm.gov.mo/apps1/breastfeeding/d/ch.aspx#clg12047), 衛生局

##### 喪葬津貼
55薪俸點的津貼。細節請帮手補充。

>相關法例
現行《澳門公共行政工作人員通則》(參考通則第249-251條)。
第1/2014號法律《調整年資獎金、津貼及補助的金額》。
(參考法律第2條)

###### 遺體運送的補償
香港—澳門：澳門幣六萬二千四百一十元
其他地方—澳門：澳門幣二十六萬五千五百八十元

##### 供款時間獎金
一份供款時間獎金係10點，自公積金登記日起計，供滿5年就有一份，即是每月又收多10點，6月及11月收雙糧時，份供款時間獎金都有double pay，即是6月和11月都會比20點你。當你供公積金供滿10年，又多一份，即是每月出多10點，亦即是每個月比20點你，6月和11月會出40點添。之後繼續供滿15年、20年、25年。。。自己計啦。

>[公務人員公積金制度](https://bo.io.gov.mo/bo/i/2006/35/lei08_cn.asp)，第九條，供款時間獎金
一、供款人供款每滿五年，有權取得一份供款時間獎金。
二、供款時間獎金的金額與公共行政工作人員的一般法所定年資獎金的金額相同，對該獎金的發放程序，適用經作出必要配合後的上述一般法規定。

##### 長期服務獎勵金

公積金制度為紀律部隊人員設立長期服務獎勵金[^fp_long]，當中包括:保安部隊軍事化人員、刑事偵查員、助理刑事偵查員、監獄監管人員及海關關員。有一筆一次過的獎勵金。

計算方法
長期服務獎勵金(P) = A x 2%
A = 自2007年1月1日起計，供款人在具備上述身份的情況下供款的期間內，所收取的薪酬及供款時間獎金的累計總額。

唔知啱唔啱：如果做左30年，A粗計系(每月人工+年資奬金) x 12個月 x 30年，即360個月人工，再乘返2%，應該會系7.2個月人工。

照過往經驗估算，退休前人工會系開頭人工的2~3倍(最低)，所以未必收足7.2個月，但估計都會有5,6個月, 以現時點數單位來計，都有幾十萬。

[^fp_long]: 來源：[長期服務獎勵金](https://www.fp.gov.mo/Public/cp_drp_rights_long_services.aspx), 退休基金會

##### 退休及撫卹制度
不了解，請幫手補充。

>新入職已經無退休及撫卹制度，只能選擇公積金制度。

### 退休保障

tbc
「長粮」呢個應該有唔少人聽過

#### 公積金

系比你退休後，唔使工作都可以繼續生活的錢。可選擇是否供。

選擇唔供，就政府都唔會幫你供。因為沒有其它的退休保障機制比你做選擇，所以一般人都會選擇供。

選擇供，就自己每個月供(草低)7%薪俸，政府額外供(草低)你薪俸的14%。自己供的錢，幾時離職都可以拎返。政府供的14%則按照年資照比率拎，最低要連續做5年先有得拎25%。

例子：
* 做左3年離職，可以拎返自己供左3年的錢。而政府供的14%，因為未夠最低5年要求，冇得拎。
* 做左5年離職，可以拎返自己供左5年的錢。而政府供的14%，因為夠最低5年要求，有得拎政府供的錢的25%。
* 做左10年職職，可以拎返自己供左10年的錢。而政府供的14%，因為夠10年要求，有得拎政府供的錢的50%。

| 供款時間| 權益歸屬比率 | | 供款時間 | 權益歸屬比率 |
| ------------------------:| :------------| --- |-------------------: | ------------ |
| 少於5年 | 0% | | 15年 | 70% |
| 5年至少於10年 | 25% | | 16年 | 73% |
| 10年至少於15年 | 50% | | 17年 | 76% |
| | | | 18年 | 79% |
| | | | 19年 | 82% |
| | | | 20年 | 85% |
| | | | 21年 | 88% |
| | | | 22年 | 91% |
| | | | 23年 | 94% |
| | | | 24年 | 97% |
| | | | 25年或以上 | 100% |

到你退休或離職前，呢筆錢會放入投資產品里面，退休基金會准備了4隻基金比你去選擇，現時規定一年有~~4個~~12個指定的時間點進行調整供款，而且必須**在指定時間內申請**。錯過左？~~等三個月~~等一個月。但一年得4次機會。用曬點算？等下年。

2020年，經過新型肺炎一疫之後，退休基金會提供除填紙申請以外的方法。~~建議一定要申請~~由2020年9月27日電子政務法生效後，唔使申請都可以使用。不多做介紹，詳見：[轉換易](https://www.fp.gov.mo/eswitching/cp_drp_eswitching_introduction.aspx), [電子轉換時間](https://www.fp.gov.mo/eswitching/cp_drp_eswitching_important_date.aspx), 退休基金會

詳細規定：[公務人員公積金制度](https://bo.io.gov.mo/bo/i/2006/35/lei08_cn.asp)或者[退休基金會網站](https://www.fp.gov.mo)

遞交電子轉換聲明重要日期：[link](https://www.fp.gov.mo/eswitching/cp_drp_eswitching_important_date.aspx)

公務人員公積金轉換日期iCal：https://calendar.google.com/calendar/ical/tkujcfq8ebec20p9ja3efsnq20%40group.calendar.google.com/public/basic.ics

TBC: 當年制定公積金制度的原因及資料, https://www.al.gov.mo/zh/law/2006/109
其它地方的退休金情況，台灣，香港，日本，韓國

#### 退休金

TBC
行政任用合同收取退休金

### 晉升(即晉級，晉階)

即升職，系呢度以430作例子介紹，如果你系260, 350換一換個表就可以。但我會建議260, 350忘記加人工呢樣野，好好以430為目標，系工作上盡力做多d野，即使系自己專業範疇以外的野，做多d行政，採購的野又好，引入多d技術又好，多d同其它部門合作又好。目標就系累積多d自己的實績同經驗，令自己系430面試比其它人有優勢。430一次加55點，350一次加50點，260一次加45點。

你個位有職階+職級，詳細睇人工表。

|==職級==/**職階**|**1**|**2**|**3**|**4**|
| :--: | :--: | :--: | :--: | :--: |
| ==**二等**== | 430 | 455 | 480 | - |
| ==**一等**== | 485 | 510 | 535 | - |
| ==**首席**== | 540 | 565 | 590 | - |
| ==**顧問**== | 600 | 625 | 650 | - |
| ==**首席顧問**== | 660 | 685 | 710 | 735 |

*其它職程薪俸點：[第4/2017號法律, 修改第14/2009號法律《公務人員職程制度》](https://bo.io.gov.mo/bo/i/2017/21/lei04_cn.asp), 附件, 表二*

升級(晉升)重要d，加比較多人工，升階(晉階)就唔介紹。升級要有三個要素：

1. 工作年期
2. 評核
3. 培訓時數

如果系現時個位連續兩年評核系十分滿意(4分)就可以升一次級。但如果有一次滿意(3分)，而且三年最低系滿意(3分)，都可以升一次級。一般都會有3分。所以努力兩年4分升一次，否則就三年升一次。但如果系由顧問升到首席顧問就要八年(4分)，九年(有一次3分))所以新入職同事要比心機d，努力做多d野。
>根據第14/2009號法律，[公務人員職程制度](https://bo.io.gov.mo/bo/i/2009/31/lei14_cn.asp)，第十四條第一款第一項及第二項，

另外仲有個條件系要有足夠的培訓時數，當你系二等同首席時就要自己揾課程讀，其它就等safp開課。詳細睇[公務人員培訓(僅供公務人員查看)](http://www.gov.mo/elearning/courses.html)。時數唔難草，本身SAFP都有唔少課程。而系入職時會要求你同你老細制定你個培訓表，一般都自己填完，老細同意就可以。有d部門肯比錢你去讀課程，有d部門唔會比。入職時主動問老細比唔比。

### 評核
用來評定你每年的表現，會影響升職的速度。入職時會同你講評核人系边個，一般系所属部門的主管。呢個機制有指定細項，每個細項比分，再照比例計一個總分。而總分有：

5分 - 優異
4分 - 十分滿意
3分 - 滿意
2分 - 不大滿意
1分 - 不滿意

其實我個人系唔點理呢個程序，反正努力工作就系，政府早已好高人工，但即使再加多d人工，都系買唔起樓，只不過系供得輕鬆小小小。好啦，我可以分享的就系，政府部門好奇怪，有d系一定比3分你，有d就好人，會努力比4分。所以有時你考多幾個部門，比自己有得選擇好人的部門來做，系一件你會佩服自己的事。一般一定比3分的部門，平時做野會特別奇離，而且人事都會比較差。如果你入左正苦工，平時同d早入職的同事八卦下就會知有边d部門系咁。當你入左3分部門，而你又真系做得唔開心，我會真誠建議你再考，無論你做左幾耐都好。

其實政府個升職只會有幾次，所以對大部份做左十年廿年的人來講，評核已經影響唔到佢。但系對新人來講呢個機制幾重要。所以我建議你入職後揾一段時間好好了解成個機制，如果你在意升職的話。而等你有幸成為主管，呢個機制都系你的工具之一。我都建議你返轉頭，睇多次呢個機制。政府對呢個機制有出一本《工作表現評核實用手冊》，里面有齊所有資料。你可以系呢三個地方揾到：

* [工作表現評核實用手冊, 澳門公共圖書館](https://webpac.library.gov.mo/client/zh_TW/webpac/search/detailnonmodal?qu=%E5%B7%A5%E4%BD%9C%E8%A1%A8%E7%8F%BE%E8%A9%95%E6%A0%B8%E5%AF%A6%E7%94%A8%E6%89%8B%E5%86%8A&d=ent%3A%2F%2FSD_ILS%2F0%2FSD_ILS%3A267626%7E%7E0&te=ILS)
* [工作表現評核實用手冊, 印務局](https://bo.io.gov.mo/edicoes/cn/dsafp/mpad/Default.asp)
* [公共行政工作人員工作表現評核一般制度, 公職局](https://www.safp.gov.mo/desempenho/03.asp)
* [公共行政工作人員工作表現評核一般制度, G2E](https://g2e.gov.mo/zh-hant/regime/desempenho/)

#### 五分獎勵

拎到評核五分(優異)的人，可以獲得表楊，有優異表現證明書。而且會有多十日年假，又或者可以選擇拎半個月薪俸。

> 根據[第11/2007號行政法規<<公務人員工作表現的獎賞制度>>](https://bo.io.gov.mo/bo/i/2007/22/regadm11_cn.asp)

### 培訓

可以報名公職局或者司法及法律培訓中心的課程，唔使錢。而生產力的課程就要錢，部份部門會幫你比錢，但有部份部門唔會。

對於培訓，我的建議系，唔好認為培訓只系用來滿足升職要求。你應該認真去學習各種對工作有幫助的課程，而且學完，要努力將佢應用系工作上面，唔系聽完就算。能力，唔只系指我地日常生活上認知的語言，IT，法律。向上管理，溝通，工作技巧，都系一種能力。

另外，法律課程十分重要，對於一位公務員，法律系一把雙面刃。如果你唔了解佢，在使用過程中就好易傷到自己。你應該要去好好了解下法律，了解佢的具體構造，學識使用方法。法律就自然會成為幫助你的工具。

無論你系咩職位範疇，我都會建議你去上呢幾個課程，我相信或多或少都可以在工作上幫到你。
* 人事管理範疇課程（必上）。
* 公共財務管理制度課程
* 公共採購制度，取得財貨及提供勞務課程

除了認識表面的條文文字，都應該了解條文背後的涵義，立法時的環境和目的。有能力的話，更加應該要去學習法律與個人、社會、經濟、歷史、文化、普世價值之間的關係。

[公務人員培訓課程](https://www.safp.gov.mo/safptc/training/index.htm)

[公務人員培訓網(只供公務員查閱)](http://app.gov.mo/elearning/)

### 醫療福利
系入職時，人事同事會比張表你申請衛生護理證 (俗稱綠咭)。有左呢張卡就可以系山頂醫院有免費醫療。平時除老人家小朋友及部份人士有免費醫療，一般市民系要比7成費用。不過每個月要扣0.5%薪俸。除左山頂衛生中心外，呢張卡系其它地方都會有福利。

**門診**
系衛生局資助機構享有每48小時1次的門診資助，金額為澳門幣110。
* 工人醫療所
* 澳門民眾建澳聯盟轄下民眾醫療中心
* 澳門中華新青年協會轄下的信和醫療中心, [詳情](https://www.my.org.mo/medical/freeservice/)
* 澳門歸僑總會診所

衛生局門診輸候情況網站內有列出受資助機構名單，https://www.ssm.gov.mo/portal/wsmy.aspx?lang=ch

**急診**
享有每48小時1次到鏡湖醫院急診科（包括：澳門及離島）就診，金額為澳門幣230元。

> 相關新聞：[衛生局擴大非牟利醫療機構門診和鏡湖醫院急診受資助人群 推出手機應用程式（Apps）實時了解各區就診輪候情況](https://www.gov.mo/zh-hant/news/131497/)

### 公職補充福利受益人
聽說呢個有着數，好似每年會派小禮物。有d局會主動同你講，有d局就唔會。自己問下同事。但記得呢個系要續期的。申請方法可以睇：[成為公職補充福利受益人的申請](http://www.informac.gov.mo/srv/frameforml.asp?IDP01=33558&ver=)。有咩唔明就打電話去問或者問自己同事。

詳細福利：[公職福利消息](https://www.safp.gov.mo/safptc/event/index.htm), SAFP

#### 公務人員經濟補助措施

* 生活補助, https://www.safp.gov.mo/safptc/download/WCM_068464
* 幼兒開支、子女補充學習、尊親屬安老院舍補助, https://www.safp.gov.mo/safptc/download/WCM_063784
* "平安通"服務費補助, https://www.safp.gov.mo/safptc/download/WCM_064205
* 車輛維修費用補助, https://www.safp.gov.mo/safptc/download/WCM_064204

### 年假

年假系指有薪假。節日，星期六日呢d原本就系唔使返工的日子，就唔會計入年假。一年有22日年假，但唔系一入去就有22日。詳細睇下文。

>聽說金管局同貿促局系會計埋星期六日同假期，但佢地年假有30日。計一計，其實兩者差不多。

入職第一年，**入職6個月**後可以“借”最多10日年假，**12個月**後正式有22日。如果之前6個月後有借假，這個時候就要扣返。入職12個月後開始，**一到1月1日**，就又有22日假期。所以當你系2020年11月入職，到2021年11月有22日假期，而2022年1月又會有22日假期。如果你老細同大老細肯比你帶22日假到下一年，你可以系一年有44日年假，但大多數部門只系可以帶11日。好似等到年尾入職有着數d?但我個人意見系早入早收人工，早入早收假期津貼，早入早計年資早升職。

> [《澳門公共行政工作人員通則》第二章年假](https://bo.io.gov.mo/bo/i/89/51/estatuto_cn.asp#a80)

各個局廳處都可以照自己的需求訂一d年假的規則，例如提前幾耐申請，可唔可以同事一齊放假等等，你應該冇得打破，所以入職果日就問問你主管。而每年年頭都會要求你填年假表預計幾時會放假，有d局一定要跟，有d局唔使你一定跟，記得問埋。

#### 香港假/人情假
每個月有兩日可在22日年假借出嚟扣減。

### 假期

一般系星期六日放假，節日又會放假。如果節日同星期六日重叠的話就會系緊接的返工日子補假，令你一定有得放假。詳細放假的日子可以去SAFP管理的政府入口網站睇，一般今年年中前就會訂好下年公眾假期，佢仲有得將個日子整入手機度。

計一計，真系好多種假：
* 年假 - 22日
* 每週休息日 - 1周2日, 一年有52週
* 公眾假期
* 豁免上班
* 豁免上班（下午） - 2次
* 補假日

[假期表](https://www.gov.mo/zh-hant/about-macau-sar/public-holidays/)

[如何訂閱澳門特別行政區公眾假期表電子檔案（iCal日曆）？](https://www.gov.mo/zh-hant/public-holidays/instruction-of-ical-subscription/)

### 超時工作(OT)

tbc

OT属於強制性

OT可以選擇比錢或者扣返工時間。工作日OT就以朝七晚八分日間，夜間兩個時間段。

| 時間 | 時間段 | 金錢補償比例 | 工時補償比例 |
| ------------- | ------ | ------------ | --- |
| 00:00 - 07:00 | 工作日晚間 | 2 | 1.5 |
| 07:01 - 19:59 | 工作日早間 | 1.5 | 1 |
| 20:00 - 24:00 | 工作日晚間 | 2 | 1.5 |

而休息日全日都以工作日晚間時段的比例來計算。

OT後系要寫明你由點鐘開始，幾點鐘結束，又或者睇打卡記錄。可以有幾個時間段。如果只有一個時間段就最少都會有一個鐘補償。其它情況會先將你時間段內完整一個鐘的時間計左先，再將唔夠一個鐘的部份再抽來加總，加總後都未夠一個鐘的部份，如果夠半個鐘就計一個鐘，否則就唔計。

例子同複雜情況可以睇SAFP的常見問題，而詳細條文就睇法例
* [超時工作-常見問題, 修改《澳門公共行政工作人員通則》](https://g2e.gov.mo/zh-hant/regime/etapm/faqs-category/?regime_faqs_category_index=10)
* [超時工作 - 常見問題, 修改《澳門公共行政工作人員通則》專頁](https://www.safp.gov.mo/etapm/zh/faq-detail-listing?title_selective=%E8%B6%85%E6%99%82%E5%B7%A5%E4%BD%9C), SAFP
* [第18/2018號法律, 修改《澳門公共行政工作人員通則》](https://bo.io.gov.mo/bo/i/2018/52/lei18_cn.asp), 第一百九十六條至第一百九十八條

而每個鐘幾錢？
[^io_i_201852]

[^io_i_201852]: 圖片來源：[第18/2018號法律, 修改《澳門公共行政工作人員通則》](https://bo.io.gov.mo/bo/i/2018/52/lei18_cn.asp), 第一百七十八條第五款, 印務局

V系你每個月薪俸(不計津貼獎金)，n系因為現時每周工作36小時，所以系36。以2020年每點91蚊計
| 點數 | 時薪(點數) | 時薪 |
| ---- | --- |:------ |
| 260 | 1.67 | 151.67 |
| 350 | 2.43 | 204.17 |
| 430 | 2.76 | 250.83 |

其實唔使知太多，經驗系一個430剛入職的系星期六平時返工時間加班7個鐘會收到三千幾蚊。

另外如果系豁免上班、行政長官命令部門關閉，或者八號風球等自然災害或惡劣天氣造成部門關閉的時間點返工就會先以扣工時來做補償，扣唔到先補返錢，但系1:1，唔會乘返1.5或者2。詳見[第18/2018號法律, 修改《澳門公共行政工作人員通則》](https://bo.io.gov.mo/bo/i/2018/52/lei18_cn.asp), 第一百九十九條。

tbc
OT上限、及超出上限的補償
https://www.ccac.org.mo/pdf/cn/intro/2010/2010ch3.pdf
個案十

### 遲到
一般來講公務員系好准時上下班，但難免會有意外，而政府規定：
[^etapm_intro_ppt]

只要唔過第一項就冇咩問題，不小心過左要解釋，會唔會被接納應該好睇老細，只可以建議你向同事打聽一下。

在此呼籲，守時系基本道德，除了上下班，其它事情都要守時。

問題集：[遲到的處理 - 常見問題, 修改《澳門公共行政工作人員通則》專頁](https://www.safp.gov.mo/etapm/zh/faq-detail-listing?title_selective=%E9%81%B2%E5%88%B0%E7%9A%84%E8%99%95%E7%90%86), SAFP

### 合理缺勤
法律有規定在指定情況下，系可以合理地唔返工，唔扣錢，唔會影響任何年資(某些情況會)，但都計缺勤，會影響評核其中一個細項。有缺勤果一個細項就會冇五分拎。在缺勤一定次數後果一個細項就會冇4分。不過，只要總分有4分就可以兩年升職，所以不要太害怕，有一項冇五分。

可以合理缺勤的情況都唔少，但我只系了解其中幾種，其它就去問人，或者睇下有冇人補充。

因是是以法律形式訂定，只要合乎要求，就有權力享受缺勤。但有權必有責，不應濫用，應合理使用。特別是病假(因病缺勤)。

list here

#### 因病缺勤(病假)

俗稱「病假」，但其實不是「假」，系政府認為基於病痛需要休養的合理原因，允許缺勤。

好重要，而且有個好奇妙的規定。有病去睇醫生，想請病假，唔系間間醫院診所都合資格可以比你有病時去睇病，而請病假。只可以系山頂，鏡湖同唔知边一間，而且要系指定的一款醫生證明先會被接受。

再來根據[公共行政人員通則](https://bo.io.gov.mo/bo/i/89/51/estatuto_cn.asp)，第101條規定：**“二、醫生檢查證明須以專用印件發出，並應在緊接缺勤當日之第二個工作日結束前遞交予工作人員任職之部門”**。而有個部門的解釋是，法律冇寫明缺勤當日要點計，幾時開始計，所以，你去睇病的果一日就已經系缺勤日，所以，由你病果日開始計，之後第二個工作日你就要比醫生紙。但不是所有部門都系這樣解釋，建議在入職時問問人事部同事以及你上司，醫生證明要點交，幾時交。

SAFP有[公函](https://www.safp.gov.mo/safptc/download/WCM_069423)說明醫生紙的樣本，需要使用指定格式的供公務員的「醫生檢查證明書」，除了需要明确填寫格式表內的內容，都要有醫生簽名，指定的醫生印章，以及「醫院或科室部門的印章」。特別是在鏡湖睇病的話，要注意要有醫院個鋼印/水印，有唔少人第一次拎醫生紙都會漏。

病假太多會被扣人工。

* 1~16日不扣錢
* 17~30日，
* \>30日

[^etapm_intro_ppt]

[^etapm_intro_ppt]: 圖片來源：[修改《澳門公共行政工作人員通則》法律解釋會PPT](https://www.safp.gov.mo/etapm/sites/default/files/u6/%E8%A7%A3%E9%87%8B%E6%9C%83%E6%BC%94%E8%A6%96%E7%A8%BF.pdf), [修訂《澳門公共行政工作人員通則》專題網站](https://www.safp.gov.mo/etapm/zh/intro)，SAFP

請注意，實際上「病假」不是假，正式名稱系「因病缺勤」，呢個系政府為了讓同事因為病痛需要休息，允許合理缺勤，免除你返工，在家休息養病，不是讓你以「病」為名，任意周圍走，去做任何其它事務。如果你申請了「病假」，卻去到其它部門參與面試，或者做其它私人事務，而冇可以令上級認同的合理解釋，個人覺得，系濫用法律，可以進行紀律程式。當然，後果未必好嚴重。

再次強調，不是合符法律條文表面的文字要求，就代表你系完全合情合理合法。有權力的同時都有義務，切記不可濫用，應多多思考法律背後的原意，適當且合理地行使權力。

##### 求診&隨診

呢二個名詞都應該系政府先有。

求診：自身或陪同親屬求診（主動尋求醫生診治）：須補回時間（包括來往部門與求診地點的交通時間）

隨診：自身或陪同親屬隨診（按醫生的醫囑就診）：無須補回時間（包括來往部門與求診地點的交通時間）

一般你真系唔舒服，醫生都會寫建議你(你都可以主動問)休息兩日，可以將你去睇醫生果日作為第一日，咁樣去睇醫生要補回的時間就可以唔使補，所以真系病就去睇醫生。記得需要有時間證明才能作為合理缺勤/外出。

[修訂《澳門公共行政工作人員通則》專頁](https://www.safp.gov.mo/etapm/zh/intro)內有更加詳細的內容，自己得閑睇下。

#### 外出考試
個人經驗系填返平時申請年假張表，選返合理缺勤。再print返開考的确定名單或者面試名單，highline反自己的名作為證明++通知部門++，交比相關的同事就可以。但最好都系問下負責人事或者行政的同事，實際你個局的流程系點。因為法律冇特別寫明試用期的同事系唔可以申請，所以理論上就算系頭六個月的試用期你都可以申請。

因為系有明確規定可以比你去外出考試，所以呢個系你的法定權力，只要依照法律要求作出通知，你主管就一定要比你去參加考試，而且視為合理缺勤。領導同主管都唔會有權力禁止你去參加政府部門的考試。當然，我明白佢系要玩野，可以系工作上其它方面為難你。但我的建議系，呢d咁的老細唔會長久，忍一忍，長痛不如短痛，快點考返出去。

> 相關法例：[澳門公職人員章程《澳門公共行政工作人員通則》](https://bo.io.gov.mo/bo/i/89/51/estatuto_cn.asp)，第九節，參加開考之考核，第一百三十條（為參加開考而缺勤）：
>一、為參加公共部門範圍內之開考之考核，而在進行考核所需期間內缺勤，視為合理缺勤。
>二、就上述之缺勤，應最遲在缺勤前一日作出++通知++，且須在四十八小時內以呈交典試委員會之聲明作為合理解釋。

#### 婚假
見[結婚津貼](#結婚津貼)

#### 因成為母親/父親而缺勤
見[出生津貼](#出生津貼)

tbc

60+30日

因分娩而住院的，因成為母親而缺勤+60日+30日

父親享受因成為母親而缺勤

#### 因在職意外

TBC

三日內，書面通知

無上限

### 離職補償(確定終止職務的金錢補償)

tbc

### 人員任用方式

請人的方式
1. 定期委任
2. 臨時或確定委任
3. 行政任用合同
4. 個人勞動合同

### 誰是公務員？

一般市民大多統稱在政府部門工作的人員為「公務員」。但實際上政府部門里面存在幾個不同身份的人員，因政府部門(表面上)講求事事精確、嚴緊，並不是所有人員都拥有「公務員」這個身份。有幸找到[電子版的1999年版本的《澳門百科全書》]( https://www.macaudata.com/macaubook/encyclopedia/index.html)(吳志良、楊允中主編), 當中就有介紹到「公務員」

>從嚴格意義上説，澳門公務員是指具有編制內確定委任方式，與澳門政府保持永久性聯繫的公共行政系統工作人員。公職人員，則是指以編制內暫時性委任、編制內定期委任、編制內散工及編制外合約等方式在公共行政系統工作的人員，他們被視為與政府有暫時性聯繫，但其中的定期委任者也可以是公務員。除了公務員和公職人員以外，在公共行政系統內工作的尚有編制外合約散工，該等人士被視為與政府無聯繫，但在職時所享有的福利與公務員和公職人員無重大差別。一般情況下，公務員及公職人員被統稱為公務員。

上述介紹，範圍就只限於政府部門，而[2005年版本修訂版](https://www.macaudata.com/catalogs/catalogsaction/middleCatalogs?bookId=817)就將範圍擴大到公共部門/企業，國家層面。

>澳門公務員的含意包括：1指一切經過法定程序任命或聘用，在各級行政機關和公共部門依法行使行政權的工作人員。2泛指一切經過法定程序選舉、任命和招聘的，在國家機關和公共企事業單位中執行國家委托的工作人員。3根㯫《澳門公共行政工作人員通則》的規定，以確定委任及定期委任方式作出之任用賦予公務員資格；以臨時委任方式或編制外合同制度作出之任用賦予服務人員資格。公務員、服務人員及散位人員均視為澳門公共行政人員。因此，從𡃫格意義上說，澳門公務員是指具有編制內確定委任方式，與澳門特區政府保持永久性聯擊的公共行政系統工作人員。一般情況下，澳門公共行政工作人員被統稱為公務員。截至2003年9月30日，澳門特別行政區公共行政工作人員共17,488人。

由上述二個內容，可以明顯看出，𡃫格來說，只有以「編制內確定委任」方式任用，與澳門特區政府保持永久性聯擊的公共行政系統工作人員，才是「公務員」。

而對於政府部門，於2015年發佈的修訂法律，就有對這個問題進行定義：

>經第12/2015號法律修改的第87/89/M號法令核准的《澳門公共行政工作人員通則》
> 第二條*
> （公共行政工作人員）
> 一、為適用本法規的規定，公務員及服務人員均視為公共行政工作人員。
> 二、以確定委任或定期委任作出的任用賦予公務員的資格。
> 三、以臨時委任或行政任用合同制度作出的任用賦予服務人員的資格。
> \* 已更改 - 請查閱：第12/2015號法律

所以，以澳門政府的角度來說，依照上述條文： 「確定委任」或「定期委任」任用的人員具有「公務員」身份。
<!--但不知為何，不見了另一個勞動合同「個人勞動合同」。-->

仲有另一個角度的解讀，廉政公署曾經宣傳[「誰是公務員」](https://app.ccac.org.mo/civil-service-integrity/zh-hant/informations/31-information-20200615), 當中以《刑法典》第三百三十六條（公務員之概念）作為依據，認為以下人員具有「公務員」身法
> * 公共行政工作人員或公法人之工作人員
> 即在直接隸屬行政長官或司長，且不具獨立法律人格的行政當局公共部門工作的人員。
> * 自治公法人、自治基金組織和公務法人之工作人員
> 僱主是：受行政長官或司長監督的自治公法人、自治基金組織和公務法人
> * 為其他公共權力機關服務之工作人員
> 於法立會、法院、檢察院等行政權以外的公共權力機關服務的人員
> * 臨時或義務參與公共行政職能或審判職能之人員
> 為上述的部門或機關執行行政工作或審判工作的人員，而且不論是否受薪，或是否屬臨時和參與性質

而且上述法律條文又描述了一種新的身份：「等同公務員」。廉政公署亦有宣傳[「等同公務員」](https://app.ccac.org.mo/civil-service-integrity/zh-hant/informations/38-information-20200630)：
> * 基於政治權、立法權、司法權等非屬行政權或經選舉而產生的據位人
> * 公共資本、公共財產企業的官方董事及政府代表
> * 涉及公共事業、公共財產的特許企業或專營公司的據位人和工作人員

一下子，範圍寛了好多。

### 編制內&行政任用合同

#### 1. 終生制vs合同制
在舊時葡國政府設計公職制度時，編制內人員視為部門行使職責時所需的最少人力，預設「編制內」的公務員制度為終身制，類似時常聽到的外國大學內的「終身教職」。所以現時「編制內」制度是以「做一世」為出發點，進行立法，不預計相關人員會辭職，也不預計政府會辭退編制內人員(除嚴重違法和健康問題等少數例子)。

而行政任用合同，政府可以在提前60日通知的情況下，辭退人員。如果是有期限的合同，合同到期前60日政府提出不續約，就無需賠償。合同未到期，或者已經是沒有限期的合同，政府除了要提前60日提出，亦需要按法規進行賠償。同樣，員工提出辭職，都要提前60日。

> 詳細看[第12/2015號法律 公共部門勞動合同制度](https://bo.io.gov.mo/bo/i/2015/33/lei12_cn.asp)第三節，合同的終止，第十條至第十六條

#### 2. 評核
當評核為1分，「不滿意」時，編制內只會停職，而合同就會即炒。

> 相關規定：印務局, [工作表現評核實用手冊, 12. 評核的效果](https://bo.io.gov.mo/edicoes/cn/dsafp/mpad/Default.asp#12.)
> * 確定委任的公務員及工人和助理員獲給予的評語為“不滿意”時，須開展簡易調查程序；如工作人員在調查期間上班對部門造成不便，則構成防範性停職的依據。
> * 對以合同形式受聘的人員而言，則即時終止職務。

#### 3. 「試用期」
* 編制內頭兩年(或一年)為「臨時委任」，未系實位，之後才是「确定委任」正式成為編制內人員，系實位。
* 行政任用合同，頭6個月系試用期。

#### 4. 無薪假
* 編制內有「短期無薪假」(一個月至一年) 、「長期無薪假」(一年至十年)、「因公共利益之無薪假」(不過一年，最多連續三年)。
* 而行政任用合同，要領導許可，1個月最多1日，1年唔可以超過6日。如果系因為親属病，上限就系15日。
> 編制內，詳細看[澳門公職人員章程, 第87/89/M號法令核准的《澳門公共行政工作人員通則》](https://bo.io.gov.mo/bo/i/89/51/estatuto_cn.asp)內有關「短期無薪假」 、「長期無薪假」、「因公共利益之無薪假」的條文。

>行政任用合同，詳細看[澳門公職人員章程《澳門公共行政工作人員通則》](https://bo.io.gov.mo/bo/i/89/51/estatuto_cn.asp)，第一百三十三條（喪失薪俸的缺勤）。

#### 5. 兢投公務員房屋
編制內確定委任的公務員才有資格申請兢投公務員房屋。詳細內容見，財政局，公務員房屋分配，
https://www.dsf.gov.mo/asset/asset_houseallocate.aspx?lang=zh, 公務員房屋分配公開競投。

#### 6.調部門
>已經被第1/2023號法律更改，詳情請睇番法例

如果你入左職後做得唔開心，都可以試下面呢d方法。雖然成功率好難講。但都系除了重考以外的另一個方法。

* 編制內有：調任、派駐、徵用。
* 合同位只有調職

> 編制內，詳細看[澳門公職人員章程, 第87/89/M號法令核准的《澳門公共行政工作人員通則》](https://bo.io.gov.mo/bo/i/89/51/estatuto_cn.asp)，第五節調動方式

> 合同位，詳細見[第12/2015號法律 公共部門勞動合同制度](https://bo.io.gov.mo/bo/i/2015/33/lei12_cn.asp)，第九條調職

#### 7.在「定期委任」之前及之後
在担任為主管、領導等需「定期委任」的職位，
* 因為編制內與澳門特區政府保持永久性聯擊，所以會保留原職位，在任期完結後直接返回原編制。
* 合同位需要中斷原有合同。當合同位結束定期委任後，部門應該會以「重新聘用」的方式再次聘用，而聘用時會以原來的職程年資加上定期委任的年資，以此來計算應該属於哪一個職級和職階。但同樣法律沒有肯體規定，且是以「重新聘用」的方式入職，入職前的職程年資是否仍會保留？就應該要視乎部門。

#### 8.因病缺勤

當因病缺勤的合理缺勤到逹了上限，會因應下圖的情況進行處理。兩個任用方式會有差別的情況是，當被評定為仍有工作能力時，政府就要求由缺勤(仍有人工收)轉為無薪假，不支付薪金，但暫時保留合同或者聯繫。而保留套用返上面「無薪假」那一項的內容，就會令兩者有差別，需要在相應的期限完結前接受、通過健康檢查，返回部門工作。

* 編制內可以請返長期無薪假(最長10年)
* 合政任用合同就依照第一百零七條（聯繫中止或職務終止）第三款規定，給於兩年的期限。

[^etapm_intro_ppt]

#### 9.就職

合政任用合同的人員入職時不需要進行就職。而編制內就需要在入職時，依照《澳門公共行政工作人員通則》第六節 就職, https://bo.io.gov.mo/bo/i/89/51/estatuto_cn.asp, 內的要求親身進行就職儀式。

### 義務

#### 服從義務

是否只要是上司的要求，即使是違法的，做左都會沒有責任，也不犯法？

請學習如何保護自己，

### 其它資訊

咁啱好公共行政工作人員通則有系2018年做修訂，而SAFP有一個專頁介紹，可以上去睇一睇其它內容：
* [修訂《澳門公共行政工作人員通則》專頁](https://www.safp.gov.mo/etapm/zh/intro)，SAFP
* [修改《澳門公共行政工作人員通則》法律解釋會PPT](https://www.safp.gov.mo/etapm/sites/default/files/u6/%E8%A7%A3%E9%87%8B%E6%9C%83%E6%BC%94%E8%A6%96%E7%A8%BF.pdf), SAFP

下面的內容等你入到政府得閑先再來睇

[政府部門在熱帶氣旋期間所採取的措施](https://www.safp.gov.mo/safptc/info/WCM_002173), SAFP

[行政技術詞彙](https://www.safp.gov.mo/apps/external/chin/info/glossary/glossary.asp?lang=chin), SAFP

[電子政務專題網站](http://www.gov.mo/egov/cn/home)

[公務人員投訴處理管理委員會](https://www.cgtq.gov.mo/)

[職業稅模擬計算](http://www.dsf.gov.mo/tax/tax_downloadapps.aspx)

[個資辦指引](https://www.gpdp.gov.mo/index.php?m=content&c=index&a=lists&catid=15)

[電子統計刊物訂閱服務-統計暨普查局](https://www.dsec.gov.mo/zh-MO/Service/Subscription)，掌握好數據，佢會幫到你好多野。

[立法會](https://www.al.gov.mo/zh/)

[澳門公務員Secrets](https://www.facebook.com/CivilServantSectets.macau)，可以使用放大鏡搜尋過往相關的話題

[正苦工問題集](https://docs.google.com/document/d/1CMnw_J-lqW1LoAESxu-IrGieoqcqd14K9kXrRzfVHUY/edit?usp=sharing)

[澳門政府政策及口號列表](https://docs.google.com/document/d/1ioBFRURwcWRgDoEA9VRj9G_9J6tgwSaB0jo88539xP4/edit?usp=sharing)

[公務員事件以及案例](https://hackmd.io/@johnshao/S16eoJJuu#/)

[澳門政府政策方針、指引或意見](https://hackmd.io/wZCaojkgTsaGyzOVrBoJ7w)

[澳門政府數據](https://hackmd.io/yj0ZwD1aSo6S7VRp8NQrnA)

#### SAFP指引性傳閱公函：
* [保密義務-文件的處理、運送及存檔](https://www.safp.gov.mo/safptc/download/WCM_015819)
* [「澳門公共行政工作人員的結社權及不得兼任」報告書](https://www.safp.gov.mo/safptc/download/WCM_002127)

#### 廉政公署指引
* [愛廉說](https://ccac.org.mo/tc/love_of_integrity.html)<!--(https://web.archive.org/web/20201211071850/https://www.ccac.org.mo/garden_story/cn/html/index.htm)-->
* [公務採購程序指引](https://ccac.org.mo/tc/public_departments_pages/article/k98auka0.html)
* [公務人員廉潔操守指引](https://ccac.org.mo/tc/public_departments_pages/article/k98au80x.html)
* [問題集](https://www.ccac.org.mo/gov/cn/faq2005.htm)
* [公共部門及機構廉潔守則製作建議](https://ccac.org.mo/tc/public_departments_pages/article/k98atzok.html)

[《財產及利益申報填寫指引》網頁](https://www.ccac.org.mo/PropertyDeclaration/tc/index.html)

#### 審計署報告
* https://www.ca.gov.mo/cn/download/access_list.php?id=4

## 有用資訊
* [一戶通]( https://account.gov.mo)
* [澳門公共服務一戶通](https://www.publicservice.gov.mo/)
* [統一管理制度 - 行政公職局]( https://concurso-uni.safp.gov.mo/)
* [公務人員職程制度]( http://carreira.safp.gov.mo/index.html)
* [公務人員管理及服務平台（G2E）](https://g2e.gov.mo/zh-hant/)

## 相關法例
* [第87/89/M號法令核准的《澳門公共行政工作人員通則》](https://bo.io.gov.mo/bo/i/89/51/estatuto_cn.asp)
* [第14/2009號法律 - 公務人員職程制度](https://bo.io.gov.mo/bo/i/2009/31/lei14_cn.asp)
* [第8/2006號法律 - 公務人員公積金制度](https://bo.io.gov.mo/bo/i/2006/35/lei08_cn.asp)
* [第14/2016號行政法規 - 公務人員的招聘、甄選及晉級培訓](https://bo.io.gov.mo/bo/i/2016/24/regadm14_cn.asp)
* [第18/2018號法律 - 修改《澳門公共行政工作人員通則》](https://bo.io.gov.mo/bo/i/2018/52/lei18_cn.asp)